دامۋدىڭ جەتى باعىتى

­Nur Otan پارتياسىنىڭ وبلىستىق في­ليالىنىڭ سايلاۋالدى باعدارلاماسىندا ءوڭىردىڭ دامۋىنىڭ جەتى باسىم باعىتى ايقىندالعان بولاتىن. ءوڭىر ونەركاسىبىن دامىتۋ, وتاندىق وندىرۋشىلەردى قولداۋ, باسەكەگە قابىلەتتى جانە يمپورتتى الماستىراتىن ءونىم شىعاراتىن جاڭا وندىرىستەردى اشۋ ءۇشىن 177 ينۆەستيتسيالىق جوبا, اگرو­ونەركاسىپتىك كەشەندە 34 جوبا جۇزەگە اسى­رىلماق. «بۇل كەشەندى شارالاردىڭ ناتيجەسىندە اۋىل شارۋاشىلىعىنداعى ەڭبەك ونىمدىلىگى 1,5 ەسەگە دەيىن ارتادى», دەدى عالي ەسقاليەۆ.

ءوڭىر باسشىسىنىڭ ايتۋىنشا, كا­سىپكەر­لىكتى دامىتۋ ماقساتىندا جىلىنا 270-تەن استام جوبانى مەملەكەتتىك قولداۋ, 5 مىڭنان استام شاعىن نەسيە, جاڭا بيزنەس-يدەيالاردى ىسكە اسىرۋعا 3 مىڭ گرانت بەرۋگە دە كوڭىل بولى­­نۋدە.

– اۋىل حالقىن اۋىز سۋمەن قامتاماسىز ەتۋ­دى 100 پايىزعا جەتكىزۋ, جالپى ۇزىندىعى 800 شاقىرىمنان استام اۆ­توجولداردىڭ ساپاسىن جاقسارتۋ, حالىقتى تۇرعىن ۇيمەن قامتاماسىز ەتۋ دەڭگەيىن جەتىلدىرە ءتۇسۋ ماقساتىندا بىرقاتار جۇمىس اتقارىلۋدا. تۇرعىنداردى باسپانامەن قامتۋ ءۇشىن 2,5 ملن شارشى مەتردەن استام تۇرعىن ءۇي سالىنادى, – دەدى وبلىس اكىمى.

كونفەرەنتسيادا جاريالانعان پارتيا باعدارلاماسىندا «الەۋمەتتىك باعدارلانعان ءوڭىر», «جاستارعا ارنالعان ايماق», «تاريحى مەن مادەنيەتى باي ايماق», «اشىق جانە قولجەتىمدى اكىمدىك», «قاۋىپسىز ايماق» سەكىلدى جوبالار دا بار.

– ءبىزدىڭ پارتيا ءوڭىر تۇرعىندارىنىڭ بارلىق تىلەگىن قاناعاتتاندىرۋ ءۇشىن قا­جەتتى شارالاردى جاسايتىن بولادى. حالىق­تىڭ بارلىق توبىنىڭ مۇددەسىن قامتىپ, حالىق پەن بيلىك اراسىن بايلانىستىرۋشى بۋىن بولامىز. الدىمىزعا قويعان ماقسات-مىندەتتەرگە بىرلەسە قول جەتكىزەيىك! – دەدى ءوڭىر باسشىسى عالي ەسقاليەۆ.