توعىز جولدىڭ تورابى

وسى ورايدا, ءوڭىردىڭ كولىكتىك-لوگيس­تيكالىق الەۋەتىن دامىتۋ – مەملەكەت باسشىسىنىڭ وبلىس اكىمىنە بەرگەن باس­تى تاپسىرماسىنىڭ ءبىرى. بۇل باعىتتا وتكەن جىلى باتىس قازاقستان وبلىسى بويىنشا 368 شاقىرىم جول جوندەلسە, بيىل 436,5 شاقىرىم جولدى قالپىنا كەلتىرۋگە 36,2 ملرد تەڭگە قاراجات قاراستىرىلعان.

رەسەيدىڭ ەڭ ءىرى ورتالىقتارىنىڭ ءبىرى – سامارا قالاسىمەن بايلانىستىراتىن «سامارا-شىمكەنت» اۆتوجولىنا, سارا­توۆ وبلىسىنا شىعاتىن «چاپاەۆ-جال­پاقتال-قازتالوۆ-رەسەي فەدەراتسياسى شە­كا­راسى» جولدارىنا جوندەۋ جۇمىستارى جۇرگىزىلۋدە.

سونداي-اق باتىس قازاقستان وبلىسىن رەسەيدىڭ ۆولگوگراد, استراحان وبلىستارىمەن بايلانىستىراتىن رەسپۋبليكالىق ماڭىزى بار «قازتالوۆ-جانىبەك-رف شەكاراسى», «ونەگە-بيسەن-سايقىن» اۆتوجولدارىن سالۋ جۇمىستارى دا جالعاسۋدا.

«رەسەيدىڭ ورىنبور وبلىسى باعى­تىن­داعى «پودستەپنوە-فەدوروۆكا-رەسەي فەدە­راتسياسى شەكاراسى» جولىن جوندەۋ ءۇشىن جوبالىق-سمەتالىق قۇجاتتاما دايىندالدى» دەيدى ءوڭىر باسشىسى عالي ەسقاليەۆ.

جايىق وزەنىن جايلاعان قوس وبلىس تۇرعىندارى اتىراۋ-ورال تاسجولىنىڭ جاعدايى تۋرالى سوڭعى ۋاقىتتا ءجيى ماسەلە كوتەرىپ ءجۇر. ويتكەنى ەكى جولاقتى جول قوز­عالىسى جەڭىل جانە جۇك كولىكتەرىنىڭ دىتتەگەن جەرىنە تەز ءارى امان-ەسەن جەتۋىنە تارلىق ەتەدى. سول سەبەپتى اتالعان باعىت­تاعى جولدىڭ ەنىن كەڭەيتۋ تۋرالى ۇسىنىس كوپتەن ايتىلاتىن. مىنە, جاقىندا اتالعان تاس جولدى رەكونسترۋكتسيادان وتكىزۋگە, ياعني جول جيەگىن ۇزارتۋ ءۇشىن جوبالىق-سمە­تالىق قۇجاتتاما جاساۋعا قاراجات بو­لىنگەن.

وسى ايتىلعان جۇمىستار وبلىستىڭ تران­زيت­تىك الەۋەتىن دامىتىپ, ءوڭىر ەكونو­ميكاسىنىڭ كىرىس كوزدەرىن ارتتىراتىن بولادى.

باتىس قازاقستان وبلىسى