سوڭعى جىلدارى قازاقستان نارىعى ايتارلىقتاي ىلگەرىلەۋگە قول جەتكىزدى. سوندىقتان وتاندىق كومپانيالاردىڭ قازىرگى زامانعى الەمدىك تالاپتارعا ساي بولۋى, ەكونوميكانىڭ ءارتۇرلى سالالارىندا ەڭ جوعارى دەڭگەيدەگى قىزمەتتەردى ۇسىنا الۋى ماڭىزدى. وسىعان بايلانىستى باستى مىندەت – وتاندىق ءوندىرىس نارىعىن دامىتۋعا جانە تاۋارلار مەن قىزمەتتەردى جەرگىلىكتەندىرۋگە اتسالىسۋ.
قازاقستاندا تەڭىزدەگى مۇناي كەن ورنىن يگەرۋ بويىنشا العاشقى جوبا رەتىندە قاشاعان قازاقستاننىڭ بارلىق ايماقتارىندا جەرگىلىكتى كاسىپورىنداردى دامىتۋدا ماڭىزدى ءرول اتقارادى. NCOC كومپانياسى قازاقستاندىق كومپانيالاردى سولتۇستىك كاسپي جوباسىنا بارىنشا تارتۋدى عانا قولداپ قويماي, جوباعا جۇمىلدىرىلعان كومپانيالارعا حالىقارالىق ستاندارتتار دەڭگەيىنە جەتۋگە كومەكتەسەدى. جەرگىلىكتى قامتۋدى بارىنشا ارتتىرۋ كونسورتسيۋم ءۇشىن دە, قازاقستان ءۇشىن دە باسىم ماقسات بولىپ تابىلادى.
وسى جىلدار ىشىندە وپەراتور جەرگىلىكتى كومپانيالارعا, اتاپ ايتقاندا, 6 كومپانيانى امەريكالىق مەحانيك-ينجەنەرلەر قوعامىنىڭ (ASME) جانە 3 كومپانيانى امەريكا مۇناي ينستيتۋتىنىڭ (API) حالىقارالىق سەرتيفيكاتتارىن الۋ بارىسىندا سۇيەمەلدەپ, قارجىلىق قولداۋ كورسەتتى.
2020 جىلعى ءساتتى مىسالداردىڭ ءبىرى – «كاسكور-ماشزاۆود» اق.
بۇل كورنەكتى جەتىستىككە جەرگىلىكتى قامتۋ ءبولىمى, NCOC كومپانياسىنىڭ مەردىگەرى «Strategy Group» جشس جانە «كاسكور-ماشزاۆود» اق-نىڭ ۇشجاقتى جۇمىسىنىڭ ارقاسىندا قول جەتكىزىلدى. بۇل كەزەڭ-كەزەڭمەن جۇزەگە اسقان ۇزاق ۇدەرىس ءبىر جىلدان استام ۋاقىت الىپ, حالىقارالىق ستاندارتتىڭ بارلىق تالاپتارىنا سايكەس بولۋ, ولقىلىقتاردى جويۋ جانە كەڭەس الۋ ءۇشىن حالىقارالىق اۋديتورلار تارتىلدى.
بىرلەسكەن كۇش-جىگەردىڭ ناتيجەسىندە, «كاسكور-ماشزاۆود» اق اۋىر ونەركاسىپتىڭ ASME (امەريكالىق مەحانيك-ينجەنەرلەر قوعامى) حالىقارالىق ستاندارتىن ءساتتى ەنگىزىپ, «U» سەرتيفيكاتتىق بەلگىسىنە يە بولدى. ASME سەرتيفيكاتى قاتاڭ تالاپ قوياتىن ءىرى كومپانيالارمەن, مۇناي-گاز وپەراتورلارىمەن جۇمىس ىستەۋ بويىنشا ءوندىرۋشىنىڭ مۇمكىندىكتەرىن كەڭەيتەدى.
* * *
امەريكالىق مەحانيك-ينجەنەرلەر قوعامى سوناۋ 1880 جىلى قۇرىلعان, سودان بەرى ونى نەگىزگى ماقساتى وزگەرگەن جوق: بۇكىل الەمدە ماشينا جاساۋدىڭ دامۋىنا ىقپال ەتۋ. بۇگىندە ASME نەگىزىنەن ينجەنەرلىك سالادا كادرلاردى دايارلاۋمەن اينالىساتىن كاسىبي, كوممەرتسيالىق ەمەس ۇيىم. ناتيجەسى ايقىن: ASME ستاندارتى ءار ءتۇرلى كومپانيالارعا ءوز ونىمدەرىن 100-دەن استام ەلدەرگە ەكسپورتتاۋعا مۇمكىندىك بەرەدى.
***
«كاسكور-ماشزاۆود» اق – ۇڭعىما جابدىعى, گاز پەشتەرى, جەر ءۇستى جانە جەر استى رەزەرۆۋارلار, دانەكەرلەنگەن مەتالل قۇرىلىمدارى مەن قۇرال-سايماندار سياقتى مۇناي-گاز سالاسى ءۇشىن ءارتۇرلى ونىمدەر شىعاراتىن قازاقستاننىڭ جەتەكشى ماشينا جاساۋ كاسىپورىندارىنىڭ ءبىرى.