ساپالى ينتەرنەتكە قول جەتكىزۋدىڭ قۋانىشى

جۋىردا «قازاقتەلەكوم» كومپانياسى «تسيفرلى قازاق­ستان» باعدارلاماسى بويىنشا توقتاروۆ اۋىلىنا تالشىقتى-وپتيكالىق بايلانىس جەلىلەرىن (توبج) تارتۋ ارقىلى تۇرعىن­دارعا كەڭ جولاقتى ينتەرنەتكە قوسىلۋ مۇمكىندىگىن جاسادى.

توقتاروۆ اۋىلى وبلىس ور­­­تالىعى قوستاناي قالاسى­نان 250 شاقىرىم جەردە ور­نالاسقان. اۋىلدا 700-دەن اس­تام حالىق تۇرادى.

– مەنىڭ قىزىم ءۇشىنشى سىنىپتا وقيدى. ۇيىمىزگە جىلدام ينتەرنەت ەنگەلى بەرى قازاق جانە اعىلشىن تىلدەرىن ونلاين ۇي­رەنۋدى باستادى. ەندى قاجەتتى اق­پاراتتى كومپيۋتەرگە دە, پلان­شەت, سمارتفون سياقتى گادجەت­تەرگە دە وڭاي جۇكتەي الاتىن بولدىق. سونىمەن قاتار ينتەرنەت جە­كە كاسىپكەر رەتىندە ماعان شا­رۋاشىلىق ماسەلەلەردى شەشۋ­دە كومەكتەسەدى. ايتالىق, پاي­دالى كەڭەستەر – تىگىن, اسپاز­دىق رەتسەپتتەر, مىسالى قازىر قىستىڭ قامىمەن ءتۇرلى ازىق-ت ۇلىك ساقتاۋ تاسىلدەرىن ينتەرنەتتەن قاراپ تانىسىپ جاتىرمىن. مەنىڭ ويىمشا, ينتەرنەت بولسا كەز كەلگەن ادام ءوزىن-ءوزى دامىتۋعا, قوسىمشا ءبىلىم الۋ­عا مول مۇمكىندىگى اشىلادى, – دەيدى توقتاروۆ اۋىلىنىڭ تۇر­عىنى ەلەنا ابراموۆا.

بۇل اۋىلداعى شاعىن كوم­پلەكتىلى مەكتەپتە نەبارى 47 وقۋشى ءبىلىم الادى, بۇگىنگى تاڭ­دا مۇندا ساباق ادەتتەگىدەي ءبىلىم ورداسىندا ءوتىپ جاتىر. اۋىلعا جۇرگىزىلگەن تالشىقتى-وپ­تيكالىق بايلانىس جەلىلەرى ەڭ الدىمەن ءبىلىم مەكەمەسىنە قوسىلعان ەدى.

مەكتەپ ديرەكتورى ارداق المۇحامەدوۆانىڭ ايتۋىنشا, اۋىلدىڭ وپتيكالىق تالشىققا قوسىلۋى وقۋ ۇدەرىسىنە دە, مۇعا­لىم­دەردىڭ بىلىكتىلىگىن ارتتىرۋعا دا وڭ اسەرىن تيگىزدى.

– بۇرىن ءبىلىم بەرۋ جۇيە­سىندەگى ينتەرنەت-رەسۋرستاردى اشۋ قيىن بولاتىن, بۇل ايتار­لىقتاي قولايسىزدىقتار تۋدىراتىن. قازىر مۇنداي كەدەرگىلەر جوق, مۇعالىمدەر ساباققا دا­يىندالادى, سونىمەن قاتار بى­لىكتىلىگىن ارتتىرۋمەن اينالىسادى. ولار ەندى بىلىكتىلىكتى ارتتىرۋ ينستيتۋتىنىڭ ۆەب-سايتىنان ءوز تاجىريبەلەرىمەن بولىسكەن پەداگوگتەردىڭ بەينە­روليكتەرىن وڭاي جۇكتەي الادى, – دەيدى مەكتەپ ديرەكتورى.

سونىمەن قاتار مەكتەپ دي­رەك­تورى ايتقانداي, جو­عارعى وقۋ ورىندارى قاشىق­تان ءبىلىم الۋعا كوشكەندە ءوز اۋىل­دارىنا ورالعان ستۋدەنتتەر وسى­عان دەيىن ۇيدەگى ينتەرنەت ءالسىز بولعاندىقتان, وقۋ ورىندارىندا بەرىلگەن تاپسىرمالاردى ورىنداۋ ءۇشىن مەكتەپتىڭ كومپيۋتەرىنە كەلىپ وتىرادى ەكەن. بىراق بۇگىنگى تاڭدا مۇنداي قاجەتتىلىك جوق. سەبەبى جۇيرىك ينتەرنەت اۋىلداعى ءاربىر ۇيگە جەتتى. ەندى ستۋدەنتتەر ۇيدەن شىقپاي-اق تاپسىرمالارىن جۇكتەپ, ورىنداعان ناتيجەلەرىن جىبەرە الادى.

ايتا كەتەيىك, توقتاروۆ اۋى­­لىنىڭ حالقى بۇعان دەيىن ءمو­بيلدى ينتەرنەتتى قولدا­ناتىن. ەندى وسى ايماققا تارتىل­عان تالشىقتى-وپتيكالىق بايلانىس جەلىسىنىڭ نەگىزىندە اۋىل­دا ما­لىمەت تاراتۋ تورابى مونتاجدالىپ, سول ارقىلى كەڭ جولاقتى ينتەرنەت ءاربىر تۇرعىن ۇيگە جەتتى.

– توبج جوباسى بويىنشا قوستاناي وبلىسىنىڭ اۋىل­دىق ەلدى مەكەندەرىندە 937 شاقى­رىمنان استام وپتيكالىق بايلانىس جەلىلەرى سالىندى. بۇل جاڭا ينفراقۇرىلىم اۋىلداعى جەلىنى ودان ءارى جاڭعىرتۋعا نەگىز بولادى. ۇيالى بايلانىس وپەراتورلارىمەن بىرلەسكەن «250+» جوباسى اياسىندا ۇيالى بايلانىس وپەراتورلارىنىڭ بازالىق ستانسالارىن سالۋ جوسپارلانۋدا. ناتيجەسىندە, قوستاناي وبلىسىنداعى 62 اۋىلدىق ەلدى مەكەن تۇرعىندارى كەڭ جولاقتى ءموبيلدى ينتەرنەتپەن قام­تاماسىز ەتىلەدى, – دەيدى «قازاق­تەلەكوم» اق سولتۇستىك وڭىرلىك تەلەكوممۋنيكاتسيا دي­رەك­تسياسىنىڭ تەلەكوممۋني­كاتسيا جەلىلەرىن دامىتۋ جونىن­دەگى ديرەكتور ورىنباسارى ول­جاس تاتاەۆ.  

ايتا كەتەيىك, بۇگىنگى كۇنگە دەيىن «قازاقتەلەكوم» قوستاناي وبلىسىنىڭ 39 اۋىلدىق ەلدى مەكەنىنە «وپتيكا» ورناتۋدى اياقتاپ, 133 مەملەكەتتىك مەكە­مەنى جوعارى جىلدامدىقتى ين­تەرنەتكە قوسقان.

ەسكە سالايىق, ۇلتتىق وپەراتور تالشىقتى-وپتيكالىق بايلانىس جەلىسى  تەحنولوگياسىن قولدانا وتىرىپ, اۋىلدىق ەلدى مەكەندەرگە كەڭ جولاقتى ينتەرنەت جەتكىزۋ بويىنشا اۋقىمدى ينۆەستيتسيالىق جوبانى اياقتاۋعا جاقىن. جالپى, جىل سوڭىنا دەيىن ەل بويىنشا 14,5 مىڭ شاقىرىم جەلى سالىنىپ, 828 اۋىلعا وپتيكا تارتىلادى, 2,5 مىڭ مەملەكەتتىك مەكەمە مەن بيۋدجەتتىك ۇيىم جوعارى جىلدامدىقتى ينتەرنەتكە قوسىلادى.