قوقيقازداردى ۆيدەوعا تۇسىرگەن اقتاۋلىققا ايىپپۇل سالىنۋى مۇمكىن, دەپ حابارلايدى Egemen.kz
"ماعان ءالى ايىپپۇل سالىنبادى, حاتتاما تولتىرايىن دەپ جاتىر. زاڭدى بۇزعان شىعارمىن مۇمكىن, بىراق ولار نە ءۇشىن جاۋاپقا تارتقىسى كەلەتىنىن تۇسىنبەيمىن. ولار ماعان دۇيسەنبىدە قوڭىراۋ شالىپ, نەگە سول جەردە ۆيدەو تۇسىرگەنىمدى سۇرادى. كىم رۇقسات بەردى دەپ سۇرادى. قانداي رۇقسات تۋرالى ايتىپ جاتقانىن تۇسىنبەدىم. ولار مەنەن نەگە قورىق ايماعىندا ءتۇسىرىپ جاتىرسىز دەپ سۇرادى. بۇل ءۇشىن جاۋاپكەرشىلىككە تارتىلاسىز دەدى", دەيدى ازامات سارسەنباەۆ.
سونداي-اق ول قورىق ايماعىندا ۆيدەو تۇسىرۋگە تىيىم سالىنعانىن بىلمەيتىنىن العا تارتتى.
"ارينە, مەن قوقيقازداردى مازالاعانىمدى مويىندايمىن, قانداي دا ءبىر قۇقىقبۇزۋشىلىق بار شىعار. (...) بىراق مەن بۇل باپتىڭ نەنى بىلدىرەتىنىن تۇسىنبەيمىن. درونمەن تىيىم سالىنا ما؟", دەيدى ول.
بەينەروليك اۆتورىنىڭ ايتۋىنشا, حاتتاما اكىمشىلىك قۇقىق بۇزۋشىلىق تۋرالى كودەكستىڭ 378-بابى ("وسىمدىكتەر وسەتىن جەرلەر مەن جانۋارلاردىڭ تىرشىلىك ەتۋ ورتاسىن قورعاۋ قاعيدالارىن, زوولوگيالىق كوللەكتسيالاردى جاساۋ, ساقتاۋ, ەسەپكە الۋ جانە پايدالانۋ قاعيدالارىن بۇزۋ, سول سياقتى جانۋارلار تۇرلەرىن زاڭسىز كوشىرۋ, ينترودۋكتسيالاۋ, رەينترودۋكتسيالاۋ جانە بۋدانداستىرۋ") بويىنشا تولتىرىلماق.
ازامات سارسەنباەۆ ايىپپۇل سالىنسا, تولەيتىنىن ايتادى. بىراق ول دۇرىس شەشىم شىقپاسا, داۋلاساتىنىن جەتكىزدى.