ورال قالاسىنا قاراستى دەركول كەنتىنىڭ بەيىمبەت مايلين اتىنداعى كوشەسىندە جەكە تۇرعىن ۇيدەن ءورت شىعىپ, گاز بالونى جارىلدى دەپ حابارلايدى Egemen.kz
توتەنشە جاعدايلار دەپارتامەنتى ماماندارىنىڭ ايتۋىنشا, ءورت 5 ليترلىك گاز بالونى جارىلۋىنان شىققان. ءسويتىپ, جالپى اۋدانى 100 ش/م قۇرايتىن تۇرعىن ءۇيدىڭ تەڭ جارىمى ورتەنىپ, شاتىرى وپىرىلىپ قۇلاپ تۇسكەن.
ء«ورت ورنىنان دەنەسىن كۇيىك شالعان 41 جاستاعى ايەل قالالىق كوپبەيىندى اۋرۋحاناعا جەتكىزىلدى» دەپ حابارلادى توتەنشەلىكتەردىڭ ءباسپاسوز قىزمەتى.
كۇن سۋىتىپ, جىلىتۋ ماۋسىمى باستالعالى جەكە تۇرعىن ۇيلەردە وسىنداي وقىس وقيعالار جيىلەپ كەتتى. توتەنشەلىكتەر تۇرعىندارعا ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن ەسكەرتۋدە.
باتىس قازاقستان