Alibaba.com پلاتفورماسىندا Gold Supplier مارتەبەسى بار اككاۋنتتار ۇسىنىلاتىن قازاقستاندىق ۇيىمداردى ىرىكتەۋ قورىتىندىلارى شىعارىلدى. بۇل تۋرالى ساۋدا جانە ينتەگراتسيا مينيسترلىگى حابارلادى.
سالالىق ۆەدومستۆو مەن QazTrade Alibaba.com پلاتفورماسىندا «Gold Supplier» مارتەبەسى بار اككاۋنتتار ۇسىنىلاتىن قازاقستاندىق ۇيىمداردى ىرىكتەۋ قورىتىندىلارى شىعارىلعانىن مالىمدەدى.
«بيىل قازان ايىندا Export.gov.kz پورتالىندا ىرىكتەۋگە قاتىسۋ ءۇشىن قازاقستاندىق كومپانيالاردان وتىنىمدەر قابىلداندى. ىرىكتەۋگە قاتىسۋعا 100-دەن استام ەلەكتروندى ءوتىنىم بەرىلىپ, وڭدەلدى. قۇجاتتار ىرىكتەۋ قاعيدالارىندا بەلگىلەنگەن بىلىكتىلىك تالاپتارىنا سايكەستىگىنە قارالدى», دەلىنگەن مينيسترلىكتىڭ اقپاراتىندا.
ىرىكتەۋ ناتيجەلەرى بويىنشا باعالاۋ كەزەڭىنەن وتكەن Alibaba پلاتفورماسىندا «Gold Supplier» مارتەبەسى بار اككاۋنتتار ۇسىنىلاتىن 50 قازاقستاندىق ۇيىمنىڭ (تاۋار وندىرۋشىلەر مەن ساۋدا كومپانيالارى) ءتىزىمى جاسالدى. بۇعان قوسا رەزەرۆتىك ۇيىمداردىڭ ءتىزىمى ازىرلەنىپ, وعان 24 كومپانيا كىردى.
ىرىكتەۋدەن وتكەن ۇيىمدارعا سەرۆيستىك قولداۋ كورسەتىلىپ, Alibaba.com حالىقارالىق ەلەكتروندى ساۋدا پلاتفورماسىندا 12 ايعا Gold Supplier اككاۋنتارى بەرىلەدى.