سوناۋ 90-جىلدارى اۋدانعا قاراستى كلۋبتار, كىتاپحانالار توقىراۋعا ۇشىراپ, قوجىراي باستادى. ءتىپتى, اۋىلدىق كلۋبتاردىڭ مەڭگەرۋشىلەرى جۇمىستان قىسقارتىلۋعا تاپ كەلگەندە, مادەنيەت وشاقتارىن بۇزىپ الۋعا ۇمتىلۋشىلار قاتارى دا بولماي قالعان جوق.
مىنە, وسىنداي اۋمالى-توكپەلى قيىن كەزەڭدە جامبىل اۋىلىنداعى كلۋبتى ساقتاپ قالۋعا بىلەك سىبانا كىرىسكەن ىسكەر دە باتىل جانداردىڭ ءبىرى – قاراپايىم اۋىلدىڭ كينومەحانيگى يبرايىم جۇمابەكوۆ بولاتىن.
سوناۋ 90-جىلدارى اۋدانعا قاراستى كلۋبتار, كىتاپحانالار توقىراۋعا ۇشىراپ, قوجىراي باستادى. ءتىپتى, اۋىلدىق كلۋبتاردىڭ مەڭگەرۋشىلەرى جۇمىستان قىسقارتىلۋعا تاپ كەلگەندە, مادەنيەت وشاقتارىن بۇزىپ الۋعا ۇمتىلۋشىلار قاتارى دا بولماي قالعان جوق.
مىنە, وسىنداي اۋمالى-توكپەلى قيىن كەزەڭدە جامبىل اۋىلىنداعى كلۋبتى ساقتاپ قالۋعا بىلەك سىبانا كىرىسكەن ىسكەر دە باتىل جانداردىڭ ءبىرى – قاراپايىم اۋىلدىڭ كينومەحانيگى يبرايىم جۇمابەكوۆ بولاتىن.
يبرايىم اعا نەگىزىنەن قاراتوبە اۋدانىنداعى حانكول ەلدى مەكەنىنىڭ تۋماسى. جىمپيتىنىڭ بۇلان اۋىلىنا 1955 جىلى قونىس اۋدارعان سوڭ, 1964 جىلى ورالدان ارنايى كينومەحانيك ماماندىعىن وقىپ الدى. اۋدان ورتالىعىنداعى كاسىپتىك-تەحنيكالىق ۋچيليششەدەن مەڭگەرگەن مەحانيزاتور ماماندىعى دا كادەگە استى.
يبرايىم جۇمابەكوۆ 30 جىلداي بۇلان اۋىلدىق وكرۋگىندە مەحانيزاتورلىق سالادا جەمىستى ەڭبەك ەتكەن جان. ال مادەنيەت سالاسىنا اۋەلدەن-اق بۇيرەگى بۇرىپ تۇراتىن يباقاڭ ءوزىنىڭ ونەرگە ءبىرتابان جاقىندىعىن 1993 جىلدارى ايقىن تۇردە دالەلدەدى. ياعني ءوزى وسى كەزدەن باستاپ ەسىگىنە ق ۇلىپ سالىنعان كلۋبقا جان ءبىتىرتىپ, جامبىل اۋىلىنداعى تۇرعىندارعا كينو قويۋدى ەڭبەكاقى الماعاندىعىنا قاراماستان, جەتى جىل بويىنا اتقاردى. سوندا اۋىل تۇرعىندارى ءۇشىن كينو قويۋ باعىتىندا تىنىمسىز جۇگىرىپ جۇرەتىن بالا مىنەزدى اقكوڭىل جان يبرايىم اعا وبلىستىق «كينوپروكات» مەكەمەسى ارقىلى ءوزىنىڭ قالتاسىنان جەكە كولىكتى جالداۋعا 1000 تەڭگە, فيلمدەر الۋعا 800 تەڭگە قارجىسىن جۇمساپ, اۋىلىنا ورالادى ەكەن.
اۋىلدىق وكرۋگتىڭ جامبىل اۋىلىنداعى كلۋبىنىڭ مۇرتىن بۇزدىرماستان ساقتاپ قالعان كينومەحانيك ي.جۇمابەكوۆ جەتى جىل بويىنا ەڭبەكاقىسىز, ءوزىنىڭ كۇنىن ءوزى كورىپ كەلسە, تەك اۋدانداعى باسشىلاردىڭ قولداۋلارى ارقاسىندا 2000-جىلدان باستاپ كينومەحانيكتىك قىزمەتىنە 24 مىڭ تەڭگە كولەمىندە جالاقى تاعايىندالدى.
يبرايىم اعا 45 جىل بويى ءۇزىلىسسىز ەڭبەك ەتىپ, بۇگىندە زەينەتكەرلىككە شىقتى. بىراق شيراق قيمىلدى, ىسىنە ۇقىپتى قاراي بىلەتىن ي.جۇمابەكوۆ بولسا ەڭبەكتەن ءالى قول ۇزگەن ەمەس. بۇگىندە يباقاڭ جامبىل نەگىزگى ورتا مەكتەبىندە ەلەكترشى ماماندىعى بويىنشا ەڭبەك ەتسە, وبلىستىق «كينوپروكات» مەكەمەسى ارقىلى جاڭا فيلمدەر اكەلىپ, اۋىل حالقىنا قىزمەت كورسەتۋدەن ءالى كۇنگە جاڭىلماي كەلەدى. ءتىپتى, سونىڭ ايقىن ايعاعىنداي, ول جوعارىداعى اتالمىش مەكەمە تاراپىنان 2000-2500 دانا ءفيلمدى اۋىلعا اكەلىپ, تۇرعىندارعا كورسەتكەن كەزدەرى بولدى. تۋماسىنان ونەرگە بەيىم بولىپ جاراتىلعان اقكوڭىل جان يبرايىم اعا اۋىلداعى جيىن-تويلاردا اسابالىق ونەرىمەن كوپكە تانىمال بولسا, ۇيىندە ورناتىلعان راديوتورابى ارقىلى اۋىلدىڭ تۋعان كۇن يەلەرىنە, قۋانىشتى وقيعالاردىڭ كەيىپكەرلەرىنە ارناپ كوشەدەگى «اق شەلەكتەن» قۇتتىقتاۋ لەبىزدەر ارناپ, سازدى اۋەندەر جولدايتىن جاقسى قاسيەتى دە بار. سوندىقتان بولسا كەرەك كۇندە ەرتەڭگىلىك راديودان ەلدەگى جاڭالىقتاردى حابارلاپ, تۋعان كۇن يەلەرىنە قۇتتىقتاۋ, لەبىزدەر جولداپ تۇرۋدى بويىنا سىڭىرگەن يباقاڭدى اۋىل حالقى «ءوزىمىزدىڭ لەۆيتان» دەپ اتايتىندارى بار. ايتقاندايىن وتباسىندا راحيما جەڭگەيمەن ءتورت ۇل-قىز ءوسىرىپ, جيەندەر قىزىعىنا بولەنىپ وتىرعان يبرايىم اعا ءوزىنىڭ ايلىق زەينەتاقىسىنان مەكتەپتەگى وزات وقۋشىلاردىڭ ارقايسىسىنا 500 تەڭگە مولشەرىندە سىياقى تاعايىنداپ, مارتتىگىن دە كورسەتىپ وتىرعان ازامات. ول سونداي-اق, بويعا سىڭگەن قاسيەتىنە وراي قولدا باردى قاناعات تۇتىپ, ءوزىنىڭ «جان سەرىگىنە» اينالعان كينو قويۋ اپپاراتىن ساقاداي-ساي ۇستاپ, ۇلكەندەرگە دە, بالالارعا دا كينو كورسەتۋدى تۇراقتى تۇردە جۇرگىزۋدە. ءتىپتى, ءوزى جاقىن اۋىلدارعا ات كولىگى, شالعايداعى ەلدى مەكەندەرگە اۆتوكولىك جالداپ جۇرسە, جۇمىسقا بەرىلىپ كەتكەن شاعىندا قاراتوبە اۋدانىنىڭ كەيبىر شارۋاشىلىقتارىنا دا اتباسىن بۇرىپ, كينو كورسەتىپ كەلەتىنى بار. ءوز ءىسىنىڭ شەبەرى, كينومەحانيك ي.جۇمابەكوۆ «مادەنيەتتى قولداۋ جىلى» اياسىندا حالىققا كورسەتكەن ءمىنسىز قىزمەتىنە وراي جوعارى باسشىلىق تاراپىنان اقشالاي سىيلىق, گراموتا, العىسحاتقا يە بولدى. ءتىپتى, يباقاڭ 2002-2009 جىلدار ارالىعىندا كورەرمەندەر تاراپىنان تۇسكەن 400 مىڭ تەڭگەنى ءتيىستى مەكەمە تاراپىنا تاپسىرىپ, ءوز ىسىنە ادال جان ەكەندىگىن دە تانىتقانى بار.
ي.جۇمابەكوۆ «نۇر وتان» پارتياسىنىڭ مۇشەسى رەتىندە قوعامدىق جۇمىستارعا, اۋىلداعى مادەني-كوپشىلىك شارالارعا دا بەلسەنە قاتىسادى.
ول سونداي-اق, جىل سايىن 16-18 مىڭ تەڭگەنىڭ (رەسپۋبليكالىق, وبلىستىق, اۋداندىق) باسىلىمدارىنا جازىلاتىن كوكىرەگى وياۋ, كانىگى وقىرمان.
كەزىندە ي.جۇمابەكوۆ بۇلان اۋىلدىق وكرۋگىنەن ەكى رەت اۋداندىق ماسليحاتقا دەپۋتات بولىپ سايلانىپ, اۋىلداعى مەكتەپ, اۋىزسۋ ماسەلەسىنىڭ وڭتايلى شەشىلۋىنە وزىندىك ۇلەسىن قوستى.
اۋىلداعى مادەني, بايلانىس سالاسىنىڭ قامقورشىسى, زەينەتكەر بولسا دا ساپتان قالماعان يبرايىم اعا وسىنداي جان.
مۇسىربەك ايتاشەۆ.
باتىس قازاقستان وبلىسى,
سىرىم اۋدانى.