اتىراۋ قالاسىنىڭ پوليتسەيلەرى موبيلدىك توپپەن بىرگە كارانتيندىك شەكتەۋ رەجيمىن سەگىز رەت بۇزعان كلۋبتى انىقتادى, دەپ حابارلايدى Egemen.kz
"ماسەلەن, تۇنگى ساعات 22:00-دەن كەيىن "كيتايكا" مەيرامحاناسى شەكتەۋ شارالارىن ءۇشىنشى رەت بۇزىپ, 20-عا جۋىق ادامعا قىزمەت كورسەتكەن. "باكۋ" مەيرامحاناسى دا جۇمىس ىستەپ تۇرعان. مۇندا 15-تەن استام ادام بولعان. ال, "رىبا موەي مەچتى" كاراوكە كلۋبىندا 70-كە جۋىق ادامنىڭ بولعانى انىقتالدى. اتالعان كاراوكە كلۋبى كارانتين رەجيمى باستالعالى بەرى سەگىزىنشى رەت شەكتەۋلەر مەن تالاپتاردى بۇزىپ وتىر", دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
پوليتسيا قىزمەتكەرلەرى ەكى مەيرامحانا مەن كاراوكە كلۋبتىڭ باسشىلارىنا قاتىستى تولتىرىلعان اكىمشىلىك حاتتامالاردى اتىراۋ قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولدادى.