بۇل كۇندەرى پەرۋدىڭ باس شاھارى – ليما قالاسىندا اۋىر اتلەتيكادان جاستار اراسىنداعى ونلاين الەم كۋبوگى ءوتىپ جاتىر.
ۇلتتىق وليمپيادا كوميتەتىنىڭ حابارلاۋىنشا, جارىستىڭ ءۇشىنشى كۇنىندە 73 كگ سالماق دارەجەسىندەگى سپورتشىلار سىنعا ءتۇستى. بۇل باسەكەدە قازاقستان اتىنان مەيرامبەك ابدىحالىق قاتىسىپ, تۋرنير ناتيجەسىندە ءتورتىنشى ورىنعا تابان تىرەدى. ول قوسسايىس قورىتىندىسى بويىنشا 275 (123+152) كەلىنى باعىندىرعان.
ايتا كەتەلىك, ازىرگە قازاقستان قورجىنىندا جالعىز التىن بار. ءبىرىنشى جارىس كۇنىندە 55 كيلودا باق سىناعان ابىلاي اۋەلحانوۆ قوسسايىس ناتيجەسىندە 237 (102+135) كيلونى ەڭسەرىپ, الەمدىك جارىستا توپ جاردى.