باتىس قازاقستان وبلىسىندا قولعا الىنعان تسيفرلاندىرۋ باعدارلاماسى ناتيجەسىن بەرۋدە. مىسالى, بيىلعى 9 اي ىشىندە حالىققا كورسەتىلگەن مەملەكەتتىك قىزمەتتىڭ 80 پايىزى ەلەكتروندى فورماتتا بولعان.
وڭىردە «تسيفرلى قازاقستان» باعدارلاماسى بويىنشا ەنگىزىلگەن گەواقپاراتتىق پورتال, توتەنشە جاعداي كەزىندە جەدەل ىسكە قوسىلعان stopcovid.kz سايتى, iKomek109 Uralsk جانە ورتالىقتاندىرىلعان 112 call-ورتالىعى, «SmartUralsk» ءموبيلدى قوسىمشاسى جەرگىلىكتى حالىقتىڭ كوپ جۇمىسىن جەڭىلدەتىپ, قولىن ۇزارتتى.
ايتا كەتەيىك, جوعارىدا اتالعان IT-شەشىمدەردىڭ كوبىن جاساعان جەرگىلىكتى كومپانيالار ەكەن.
بيىل وڭىردە تۇرعىندار سانى 250-دەن اساتىن ەلدى مەكەندەردىڭ بارىندە 3G/4G جىلدامدىعى بار ءموبيلدى ينتەرنەت جەلىسىن ىسكە قوسۋ تۋرالى جوبا قولعا الىنعان بولاتىن. جىل سوڭىنا دەيىن وسىنداي 70 اۋىل جەدەل ينتەرنەتتىڭ يگىلىگىن كورمەك.
باتىس قازاقستان وبلىسى