ورتا سالماقتا WBO Global تيتۋلىنىڭ يەگەرى بوكسشى جانىبەك ءالىمحان ۇلى (9-0, 5 كو) الەم چەمپيونى تيتۋلى ءۇشىن بولاتىن ءوزىنىڭ كەلەسى جەكپە-جەگى تۋرالى جاڭا مالىمدەمە جاسادى, دەپ حابارلايدى Egemen.kz
ءالىمحان ۇلى بۇكىلالەمدىك بوكس كەڭەسىنىڭ (WBC) جاڭارتىلعان رەيتينگىسىندە 9-شى ورىندا تۇر.
وسى ۇيىمنىڭ نۇسقاسى بويىنشا ورتا سالماقتاعى الەم چەمپيونى دجەرمالل چارلونى (31-0, 22 كو) باتىل تۇردە ايقاسقا شاقىردى.
"WBC رەيتينگىسىندە ءنومىرى 6. دايىن بول , چارلو, 2021 جىلى جۇدىرىقتاساتىن بولامىز", دەپ جازدى ءالىمحان ۇلى ءوزىنىڭ Twitter پاراقشاسىندا.
ودان كەيىن ول "2021 جىلى مەن چەمپيون بولامىن!", دەدى. ەسكە سالساق, ءالىمحان ۇلىنىڭ كەلەسى جەكپە-جەگى وتەتىن كۇن ازىرگە بەلگىسىز, الايدا سپورتشى لوس-اندجەلەستە دايىندىق جاتتىقتىرۋعا كىرىسىپ كەتكەن.
بيىلعى جىلى 10 قازاندا جانىبەك ءالىمحان ۇلى لاس-ۆەگاستا (نەۆادا شتاتى, اقش) ارگەنتينالىق گونسالو كوريانى نوكاۋتپەن جەڭگەن بولاتىن.