ماڭعىستاۋدا سوڭعى اپتادا 5 ادام كوروناۆيرۋس ينفەكتسياسىن جۇقتىرىپ, 38 ادام كوروناۆيرۋستىق پنەۆمونياعا شالدىققان. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءبولىمىنىڭ باس مامانى اقىلبەك قۇلشاعازيەۆ ءمالىم ەتتى.
ونىڭ ايتۋىنشا, بۇگىنگى تاڭدا ماڭعىستاۋ وبلىسىنىڭ اۋماعىندا كوروناۆيرۋس ينفەكتسياسى بويىنشا ەپيدەميولوگيالىق جاعداي قولايلى بولىپ وتىر. اتاپ ايتساق, سوڭعى اپتادا (04.11-10.11) ماڭعىستاۋ وبلىسى رەپرودۋكتيۆتى كورسەتكىش بويىنشا جاسىل ايماقتا.
وڭىردە 11 قاراشاداعى جاعدايعا سايكەس, پتر تاسىلىمەن مەملەكەتتىك جانە جەكە مەنشىك زەرتحانالاردا (بارلىعى - 5) ء148584(بىر كۇندە 1424 اناليز) ادام تەكسەرىلىپ, ونىڭ 3410 وڭ ناتيجە بەردى. ۇلتتىق ساراپتاما ورتالىعىندا بۇگىنگى تاڭدا 23321 تەست سىناماسى بار.
وبلىستا 17 تامىزدان باستاپ 24 مونيتورينگ توبى قۇرىلدى. بۇگىنگى تاڭدا مونيتورينگ توبىمەن 723 رەيد جۇرگىزىلىپ, 1537 نىسان تەكسەرىلدى. رەيد بارىسىندا 127 نىساندا بۇزۋشىلىقتار انىقتالىپ, 99 ( 14 جەكە كاسىپكەر, 46 جەكە تۇلعا, 1 زاڭدى تۇلعا) اكىمشىلىك حاتتاما (6 ملن. 708870ت.) تولتىرىلدى.
6-قازاننان باستاپ, وزبەكستان ەلىمەن «تاجەن» اۆتوموبيل وتكىزۋ پۋنكتى ارقىلى 6119 اۆتوكولىك جانە جاياۋ جولاۋشىلار كىردى. ونىڭ ىشىندە: ترانزيتتىك اۆتوكولىك 5838, قازاقستان رەسپۋبليكاسىنا 216 اۆتوكولىك, 61 جولاۋشى (24 جولاۋشى پتر ءاناليزسىز, ال 37 جولاۋشى پتر اناليزىمەن), 4 ترانزيتتىك جولاۋشى ءوتتى. تەكسەرىلگەن 24 ازاماتتىڭ ىشىنەن 2 وڭ ناتيجە انىقتالدى. ەكەۋىندە دە ۆيرۋستىڭ شاعىمسىز ءتۇرى بولعاندىقتان, ولار ءۇي كارانتينىنە الىندى.
«اقتاۋ حالىقارالىق اۋەجايى ارقىلى شەت ەلدەردەن 1304 جولاۋشى ۇشىپ كەلدى. ونىڭ ىشىندە 106 جولاۋشىدا پتر ءاناليزى بولماۋىنا بايلانىستى, ولار وقشاۋعا الىنىپ, كوروناۆيرۋسقا تەكسەرىلدى. قورىتىندىلارى تەرىس», - دەدى اقىلبەك قۇلشاعازيەۆ.
ءباسپاسوز كونفەرەنتسياسىندا ماڭعىستاۋ وبلىستىق اۋرۋحاناسىنىڭ دارىگەر ەپيدەميولوگى مەرەي سيسەنوۆ تە قاتىستى. ول ءوز كەزەگىندە تۇرعىنداردى جاۋاپكەرشىلىك تانىتىپ, سانيتارلىق ەرەجەرەلەردى ساقتاۋعا شاقىردى.
«ماۋسىم, شىلدە ايلارىندا ءبىز باستان كەشىرگەن قيىندىقتاردان ساباق الۋ ماقساتىندا اۋرۋدىڭ الدىن-الۋ شارالارىن قاتاڭ ۇستانۋىمىز قاجەت. اۋەلى, تۇرعىندار وقشاۋلانۋى مىندەتتى. ادام كوپ شوعىرلاناتىن ايماقتارعا بارۋدى شەكتەۋ جانە جەكە باس گيگيەناسىن ساقتاۋ - ءبىزدىڭ باستى مىندەتىمىز. كوروناۆيرۋستىق ينفەكتسيا وكپە, تىنىس جولدارى ارقىلى جۇعاتىنىن بىلەمىز. وسى ورايدا, تىنىس جولدارىنىڭ گيمناستيكاسىن جاساۋ دا اسا ماڭىزدى», - دەدى مەرەي سيسەنوۆ.
ماڭعىستاۋ وبلىسى