جۇمىسپەن قامتۋدىڭ 2020-2021 جىلدارعا ارنالعان جول كارتاسى (جقجك) اياسىندا 6,7 مىڭنان استام جوبانى ىسكە اسىرۋ باستالدى, ولاردا 130 مىڭ تەڭگەلىك ورتاشا جالاقىمەن 207 مىڭ ادام جۇمىسپەن قامتىلعان, دەپ حابارلايدى Egemen.kz
"جقجك ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90 پايىزىنىڭ تاۋارلارى مەن قىزمەتتەرىن پايدالانۋدى قامتاماسىز ەتۋ ەرەكشە شارت بولىپ وتىر. جۇمىسشىلاردىڭ كەمىندە جارتىسىن جۇمىسپەن قامتۋ ورتالىقتارى ارقىلى جالدايدى, باسىمدىق جۇمىسسىز جاستارعا بەرىلەدى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ, قاۋىپسىز ەڭبەك جاعدايىن قامتاماسىز ەتۋگە ءتيىس", دەلىنگەن ەڭبەك مينيسترلىگى مالىمەتىندە.
1 قاراشاداعى جاعداي بويىنشا وڭىرلەردە 6,7 مىڭ جوبا تۇرعىسىندا جۇمىس باستالدى, 207 مىڭ جۇمىس ورنى قۇرىلدى, ونىڭ ىشىندە حالىقتى جۇمىسپەن قامتۋ ورتالىقتارى ارقىلى 112 مىڭنان استام جۇمىس ورنى اشىلدى.
باعدارلاماعا قاتىسۋشىلاردىڭ جارتىسى اۋىل تۇرعىندارى, 40 پايىزى – جاستار جانە 7 پايىزى – تابىسى از ازاماتتار. جقجك اياسىندا جۇمىسپەن قامتىلعانداردىڭ ەڭ جوعارى ۇلەسى شىعىس قازاقستان (20,5 مىڭ ادام نەمەسە 108,8%), قىزىلوردا (9,4 مىڭ ادام نەمەسە 101,2%) جانە اتىراۋ (7,3 مىڭ ادام نەمەسە 102,9%) وبلىستارىندا.
بۇعان دەيىن حابارلانعانداي, جقجك اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە جقجك جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.