ءىىم تەرگەۋ دەپارتامەنتىنىڭ باسشىسى سانجار ءادىلوۆ "گارانت 24 لومبارد" قارجى پيراميداسىنىڭ ىسىنە قاتىستى پىكىر ءبىلدىردى", دەپ حابارلايدى Egemen.kz
"گارانت 24 لومبارد" قارجى پيراميداسىن ۇيىمداستىرۋشىلاردىڭ قىلمىستىق ءىسىن تەرگەۋ اياقتالدى. وسى قىلمىستىق ءىستى تەرگەۋ ءۇشىن ءىىم ارنايى تەرگەۋ-جەدەل توبى قۇرىلدى, وندا 150-دەن اسا تەرگەۋشىلەر مەن انىقتاۋشىلار بولدى. جۇمىس بارلىق اۋماقتىق بولىمشەدە جۇرگىزىلدى. ءبىز قىلمىستىق ارەكەتتىڭ 33 ەپيزودىن تىركەدىك. قازىرگى ۋاقىتتا قىلمىستىق جاۋاپكەرشىلىككە 56 ادام تارتىلىپ, بەس ادام ىزدەستىرىلىپ جاتىر", دەدى ءادىلوۆ ءىىم ونلاين-بريفينگىندە.
پوليتسياعا 18 مىڭنان اسا ادام ءوتىنىش بىلدىرگەن.. جابىرلەنۋشىگە 22 ميلليارد تەڭگە كولەمىندە شىعىن كەلتىرىلگەن.
ء"ىىم-دە جەدەل-ىزدەستىرۋ شارالارى جۇرگىزىلدى. ىزدەۋدەگى ادامداردىڭ باسىم بولىگى ۇستالدى. ۇلتتىق ۇلاننىڭ كومەگىمەن مولدوۆاعا, قىرعىزستانعا جانە تۇركياعا ارنايى ۇشىپ باردىق, سول جەردەن ءبىز ىزدەستىرىلگەن ادامداردى جەتكىزدىك", - دەپ قوستى ءادىلوۆ.ونىڭ ايتۋىنشا, كۇدىكتىلەردەن 70 ميلليون تەڭگەدەن اسا قارجى تاركىلەنگەن.
"بۇل 15 اۆتوموبيل, ەكى جۇك ساموسۆالى, ەكى اۆتوكران, قاردا جۇرگىش قۇرال, 29 پاتەر مەن ءۇي, ءۇش جەر ۋچاسكەسى, بەس تۇراق ورنى, ءبىر كافە-بيليارد بولمەسى.
تاۋەلسىز ساراپشىلار جۇرگىزگەن باعالاۋ بويىنشا كۇدىكتىلەردىڭ تىيىم سالىنعان مۇلكىنىڭ جالپى قۇنى 22 ميلليارد تەڭگەدەن اسادى. تەرگەۋ بارىسىندا ءبىز ءتورت ۇيگە, 140 پاتەرگە, 1572 اۆتوكولىككە تىيىم سالدىق. كومپانيانىڭ بارلىق كەڭسەسىندە ءتىنتۋ جۇرگىزدىك, قۇجاتتار مەن زاتتاي دالەلدەمەلەردى الدىق", دەدى تەرگەۋ دەپارتامەنتىنىڭ باسشىسى.