باعدات مۋسين اۋىلدارداعى ءالسىز ينتەرنەت تۋرالى ايتتى

ايتا كەتسەك بۇگىن پالاتادا سالىق كودەكسىنە تۇزەتۋلەر ەنگىزۋ ماسەلەسى قارالعان بولاتىن. دەپۋتاتتاردىڭ پىكىرىنشە, اتالمىش زاڭ جوباسى اياسىندا اۋىلداعى ينتەرنەت ماسەلەسىن ۇيالى بايلانىس وپەراتورلارى ءۇشىن پرەفەرەنتسيالار ەسەبىنەن شەشۋگە بولادى.

"سەناتورلار بايلانىس وپەراتورلارى راديوجەلىلەردى قولدانعانى ءۇشىن تولەيتىن تولەمنىڭ جىلدىق مولشەرلەمەسىن 90 پايىزعا تومەندەتۋدى ۇسىنىپ وتىر. مۇنداي جەڭىلدىكتى الۋ ءۇشىن بايلانىس وپەراتورلارى وسىدان ۇنەمدەلگەن قاراجاتتى ءبىرىنشى كەزەكتە اۋىلداردى كەڭ جولاقتى ينتەرنەتپەن قامتاماسىز ەتۋگە جۇمساۋ كەرەك. بۇل – مەملەكەت باسشىسىنىڭ اۋماقتاردى تەڭگەرىمدى دامىتۋ تاپسىرماسىمەن بايلانىستى مىندەت", دەدى وتىرىستا سەنات سپيكەرى ماۋلەن اشىمباەۆ.

بۇل ماسەلەگە بايلانىستى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين جەڭىلدىك الاتىن بايلانىس وپەراتورلارىنا ناقتى قانداي مىندەتتەمەلەر ارتىلاتىنىن ايتىپ بەردى.

"90 پايىز جەڭىلدىك – شارتتى ورىنداپ, ارتىلعان اقشاسىن اۋىلدى ەلدىمەكەندەردى اۋقىمدى ينتەرنەتپەن قامتاماسىز ەتۋ جۇمسايتىن بايلانىس وپەراتورلارىنا عانا بەرىلەدى. بۇل مىندەتتەمەلەر ورىندالماسا راديوجيىلىلىك سپەكترىنە دەگەن رۇقساتتى "بايلانىس تۋرالى" قازىرگى زاڭناماعا سايكەس قايتارىپ الۋعا بولادى. وسى ۇسىنىستاردى تالقىلاۋ بارىسىندا دا اتالمىش باعىتتا ىلگەرى قادامدى جاساپ ۇلگەردىك. ءبىز وپەراتورلار وسى جىلدىڭ شىلدە ايىنان باستاپ-اق ءوز قاراجاتى ەسەبىنەن جانە كووپەراتسيالارعا بىرىگىپ, حالقى 250 ادامعا دەيىنگى اۋىلدى ەلدىمەكەندەرگە ينتەرنەت تارتۋ جۇمىستارىن باستاپ كەتتى. وسىلايشا "Nur Otan" پارتياسىنىڭ سايلاۋ الدىنداعى ۋادەسىن ورىنداپ جاتىرمىز. بۇل دەگەنىمىز – جىلدىڭ سوڭىنا دەيىن ينتەرنەتپەن قامتىلاتىن 4 137 اۋىل. الايدا الداعى بەس جىلدا بۇل باعىتتا جۇمسالاتىن قاراجات سول اۋىلدارداعى ينتەرنەتتىڭ ساپاسىنا ارتتىرۋعا جۇمسالادى. سەبەبى بەلگىلى ءبىر اۋىلدى ەلدىمەكەندەر مەن اۋماقتاردا ينتەرنەتتىڭ ءالسىز ەكەنىن مويىندايمىز", دەدى ول.

باعدات مۋسين سەناتتا بۇگىن قارالعان نورمالار الداعى بەس جىلدا بۇل ماسەلەنى ءبىرجولاتا شەشۋگە مۇمكىندىك بەرەتىنىن جەتكىزدى.