كوروناۆيرۋس جۇقتىرعان ۋكراينا پرەزيدەنتى ۆلاديمير زەلەنسكي اۋرۋحانادا ەمدەلىپ جاتىر, دەپ حابارلايدى Egemen.kz.بۇل تۋرالى پرەزيدەنت كەڭسەسى باسشىسىنىڭ كەڭەسشىسى ميحايل پودولياك ايتتى.
"بارلىعى قاتاڭ تۇردە حاتتامامەن رەتتەلەدى. ولار (زەلەنسكي جانە پرەزيدەنت كەڭسەسىنىڭ باسشىسى اندرەي ەرماك-ەسكەرتۋ) تەوفانيادا. وندا ارنايى جابدىقتالعان كابينەت بار. پرەزيدەنت وندا جينالىس وتكىزە الادى. ول وقشاۋلانعان پالاتادا جاتىر, ءارى ونىڭ ارنايى بايلانىسى بار", دەيدى پودولياك "ۋكراينسكايا پراۆدا" باسىلىمىنا بەرگەن سۇحباتىندا.
سونىمەن قاتار, ول زەلەنسكي مەن ەرماكتىڭ جۇمىس كەستەسى بار ەكەنىن, ولار تەك وقشاۋلانعانىن اتاپ ءوتتى.
كەڭەسشى ۋكراينا پرەزيدەنتى مەن ەرمەك اۋرۋحانادا ءبىرىن-ءبىرى كورمەيتىنىن, تەك تەلەفون ارقىلى سويلەسەتىنىن ايتتى.