ەلدەگى ساياسي جانە قوعامدىق كۇشتەر حالىق بىرلىگىن نىعايتۋ جونىندە مەموراندۋم قابىلداعانى دۇرىس. بۇل تۋرالى بۇگىن قازاقستان حالقى اسسامبلەياسى كەڭەسىنىڭ وتىرىسىندا تۇڭعىش پرەزيدەنت – ەلباسى, قحا توراعاسى نۇرسۇلتان نازارباەۆ ءمالىم ەتتى, دەپ حابارلايدى Egemen.kz
"ەلدەگى ساياسي جانە قوعامدىق كۇشتەر حالىق بىرلىگىن نىعايتۋ جونىندە مەموراندۋم قابىلداعانى دۇرىس. ول مەموراندۋمدى دايىنداۋىمىز كەرەك. اسسامبلەيا وسى باستامانى قولعا السا, دۇرىس بولار ەدى. بىرلىك, كەلىسىم, تەڭدىك – ءبىزدىڭ نەگىزگى پرينتسيپتەرىمىز. ولاردى قورعاۋعا بارلىعىمىز كۇش سالۋىمىز كەرەك. اسسامبلەيانى جالپىازاماتتىق جانە جالپىۇلتتىق ينستيتۋت رەتىندە دامىتا بەرۋىمىز كەرەك", دەدى ەلباسى.
تۇڭعىش پرەزيدەنت اسسامبلەيانىڭ ورتالىق اپپاراتىنىڭ, وڭىرلىك قۇرىلىمداردىڭ جانە ەتنومادەني بىرلەستىكتەردىڭ تيىمدىلىگىن ارتتىرۋ قاجەت دەپ ەسەپتەيتىنىن باسا ايتتى.
"بۇل ەڭ اۋەلى اسسامبلەياعا "قازاقستان-2050" ستراتەگياسى العا قويعان اۋقىمدى مىندەتتەردى, سونىمەن قاتار, 30 ءوسىپ-وركەندەگەن ەلدىڭ قاتارىنا قوسىلۋ ماقساتىن جۇزەگە اسىرۋعا مۇمكىندىك بەرەدى. ءبىزدىڭ جۇمىس ىستەيتىن باعدارلامامىز بار. قازىر ءبارىمىز قيىن جاعدايدا تۇرمىز. دەگەنمەن, مىقتى مەملەكەت قۇردىق, اياعىنان تىك تۇرعىزدىق. قازىر كۇشىمىز دە, قاراجاتىمىز دا بار. بۇل توقىراۋدان دا شىعامىز. ەندى قازىر ءارى قاراي ورلەۋ, وركەندەۋ ماسەلەسىن العا قويۋىمىز كەرەك", دەپ ايتىپ ءوتتى ن.نازارباەۆ.