زاردابى ءالى تولىق جويىلا قويماعان ەكىنشى دۇنيەجۇزىلىك سوعىستا قولدانىلعان قارۋ-جاراقتار كوپ كەزدەسپەيدى. دەگەنمەن وتكەن كۇننىڭ ۇمىتىلماس بەلگىسىنە اينالعان قارۋدىڭ ءبىرى وبلىستىق تاريحي-ولكەتانۋ مۋزەيىنىڭ قورىندا ساقتاۋلى تۇر. بۇل – ايگىلى «ماكسيم» پۋلەمەتى.
تاريحي دەرەككە سۇيەنسەك, بۇل قارۋدى بريتاندىق ونەرتاپقىش حايرەم ستيۆەنس ماكسيم 1873 جىلى ويلاپ تاپقان ەكەن. باستاپقى كەزدەگى سالماعى – 240 كيلو, كاليبرى – 11,43 مم. كەيىننەن «بەردان» مىلتىق پاترونىنىڭ كاليبرىنە اۋىستىرىلىپ, سالماعى 64 كيلوعا دەيىن جەڭىلدەگەن. وسىنداي تاريحى بار پۋلەمەتتى مۋزەي قورىنا 1970 جىلى «دوسااف» گۋرەۆ وبلىستىق سپورتتىق اتقىشتار كلۋبى تاپسىرىپتى.
– «ماكسيم» ەكىنشى دۇنيەجۇزىلىك سوعىستا كەڭەستىك پۋلەمەتشىلەردىڭ باستى قارۋى بولدى. ونى سوعىس كەزىندە, اسىرەسە ارتيللەريادا, تانكتەردە, بروندى ماشينالاردا, اۆياتسيادا كەڭىنەن قولداندى. ماسەلەن, كەڭەس وداعىنىڭ باتىرى اتانعان قازاقتىڭ قايسار قىزى مانشۇك مامەتوۆا وسى پۋلەمەتپەن جاۋعا قارسى مينۋتىنا 600 وق جاۋدىرعان, – دەيدى مۋزەي قىزمەتكەرلەرى.
اتىراۋ وبلىسى