كوروناۆيرۋس ينفەكتسياسىنا تەستىلەۋ تەرىس ناتيجە بەرگەن جولاۋشىلار عانا ۇشاققا وتىرۋى كەرەك, دەپ حابارلايدى Egemen.kz
بىرىنشىدەن, بۇل باسقا جولاۋشىلاردىڭ جۇقتىرۋ قاۋپىن ازايتادى, وسىلايشا بۇكىل ۇشاقتىڭ «ساۋ» ۇشاتىنىنا سەنىمدىلىك بەرەدى. بۇل تۋرالى №3 كوپسالالى قالالىق اۋرۋحانا ديرەكتورىنىڭ ورىنباسارى جانار كسانوۆا ايتتى.
سونىمەن قاتار ۇشاققا وتىرار الدىندا پتر سىناعىنان ءوتۋ ازاماتتىڭ جەكە ۋاقىتىن ۇنەمدەيدى. پتر انىقتامامەن كەلگەننەن كەيىن ول جايباراقات ۇيىنە قايتادى.
"مەديتسينا قىزمەتكەرلەرى اۋە جولاۋشىلارىنا كوپ ەڭبەك پەن كۇش جۇمسايتىنىن ۇمىتپاعان ءجون", دەپ اتاپ ءوتتى جانار كسانوۆا.
دارىگەرلەر حالىقارالىق رەيستەردە انىقتالعان وڭ ناتيجەلەردىڭ نەگىزگى بولىگى اۋرۋدىڭ سيمپتومسىز ءتۇرى ەكەنىن, بۇل ءوز كەزەگىندە باسقالارعا ينفەكتسيا كوزى بولۋى مۇمكىنىن ايتادى. ادام ءوزىنىڭ ينفەكتسيانىڭ سيمپتومسىز تاسىمالداۋشىسى ەكەنىن بىلمەي, كوروناۆيرۋس ينفەكتسياسىن جۇقتىرۋ قاۋپىن تۋدىرۋى مۇمكىن.
6 قازان مەن 9 قاراشا ارالىعىندا كارانتين ستاتسيونارىندا زەرتحانالىق زەرتتەۋلەردەن كەيىن كوروناۆيرۋس ينفەكتسياسىنىڭ سيمپتومسىز 8 تاسىمالداۋشىسى انىقتالدى. ولاردىڭ ءبىرى 9 قاراشادا مينسك – نۇر-سۇلتان رەيسىمەن كەلدى. قازىرگى ۋاقىتتا ءۇي كارانتينىندە وقشاۋلانعان. بارلىعى وسى ۋاقىت ارالىعىندا 164 رەيس, 3211 جولاۋشى قابىلداندى.