وبلىستىق پوليتسيا دەپارتامەنتى بالىق قورىنا قىلمىستىق قول سۇعۋشىلىقپەن كۇرەس ءبولىمىنىڭ قىزمەتكەرلەرى "براكونەر" جەدەل ءىس-شارا كەزىندە 27 جاستاعى تۇرعىندى 41 دانا بەكىرە تۇقىمداس بالىعىمەن ۇستادى, دەپ حابارلايدى Egemen.kz
"جايىق وزەنىنىڭ تالعايراڭ اۋىلى تۇسىنداعى جاعاسىندا بالىق قورىنا زاڭسىز قول سۇققان ازاماتتان تاركىلەنگەن بەكىرەنىڭ جالپى سالماعى 136,7 كەلىنى قۇرادى. كۇدىكتى يساتاي اۋدانىنىڭ 27 جاستاعى تۇرعىنى بولىپ شىقتى. قازىر ۇستالعان ازاماتقا قاتىستى قر قىلمىستىق كودەكستىڭ 339-بابىمەن (وسىمدىكتەر مەن جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىمەن زاڭسىز اينالىسۋ) سوتقا دەيىنگى تەرگەۋ جۇرگىزىلۋدە", دەپ حابارلادى دەپارتامەنتتىڭ ءباسپاسوز قىزمەتى.