الماتى قالاسىندا 15 قاراشا كۇنى بلوكبەكەتتەر قويىلاتىنى تۋرالى حابارلامالار جەلىدە تاراپ جاتىر, دەپ حابارلايدى Egemen.kz
حابارلامادا الماتىدا كارانتيننىڭ كۇشەيتىلەتىنى تۋرالى ايتىلادى. قازاقستاننىڭ سانيتاريالىق-ەپيدەميالىق باقىلاۋ كوميتەتىنىڭ وكىلدەرى حابارلاماعا قاتىستى پىكىر ءبىلدىردى.
"بۇگىندە الماتىدا ەپيدەميالىق جاعداي تۇراقتى, بلوكبەكەتتەر قويۋ نەمەسە قالانى جابۋ جوسپاردا جوق. 15 قاراشادا بلوكبەكەتتەر قويىلاتىنى تۋرالى اقپارات جالعان", دەدى كوميتەتتىڭ رەسمي وكىلى ەرجان بايتاناەۆ.
ەسكە سالايىق, مۇنىڭ الدىندا الماتى اكىمىنىڭ ورىنباسارى ەرجان باباقۇماروۆ قالادا ەگدە جاستاعى ادامداردىڭ اراسىندا كوروناۆيرۋس ءورشىپ جاتقانىن ايتقان ەدى.