الەۋمەتتىك سالا ايرىقشا نازاردا

تاراتىپ ايتساق, 2,9 ملرد تەڭگە قارجىعا ورال قالا­سىن­داعى №33 جانە №51 ورتا مەكتەپتەردىڭ قۇرىلىسى, قازتا­لوۆ اۋدانى ورتالىعى مەن سارى­قۇدىق اۋىلىنداعى مەكتەپ عي­ما­راتتارى, بايتەرەك اۋدانىنا قاراستى زەلەنوە اۋىلىنداعى ورتا مەكتەپ قۇرىلىسى سالىن­باق. بوكەي ورداسى اۋدانىنىڭ ءبورلى اۋىلىنداعى ءمادينا بەگاليەۆا اتىنداعى ورتا مەك­تە­بىندە ەكى عيمارات اراسىندا جابىق وتكەلى, جانىبەك اۋدا­نىندا الما ورازباەۆا اتىن­دا­عى ورتا مەكتەپتىڭ سپورتزال قۇ­رىلىسى, اقجايىق اۋدانى ورتالىعىنداعى ورتا مەكتەپ تە – وسى جوسپار ىشىندە.

وبلىستىق اۋرۋحاناعا جاپسارلاس سالىنعان قوسىمشا مەن تەز تۇرعىزىلاتىن جۇقپالى اۋرۋلار اۋرۋحاناسىنىڭ قۇرى­لى­سىنا – 7,4 ملرد تەڭگە قا­راس­تى­رىلعان.

سونداي-اق تەرەكتى اۋدا­نى جاڭا ءومىر اۋىلىندا, شىن­عىر­لاۋ اۋدانىنىڭ تاس­مو­لا ­اۋىلىندا, جاڭاقالا اۋدانى جاڭاجول اۋىلىندا اۋىلدىق مادەنيەت ۇيلەرى سالىنۋدا. ورال قالاسى مەن تاسقالا اۋدانى ورتالىعىندا اكىمشىلىك نىسان عيماراتى سالىنىپ, قاراتوبە اۋدانى ورتالىعىندا قۇرىلىس ءجۇرىپ جاتىر.

جوعارىدا ايتىلعان نىسان­دار­دىڭ ىشىنەن بۇگىنگى تاڭدا 5 الەۋ­مەتتىك عيماراتتىڭ قۇرى­­لى­­سى اياقتالعان. باتىس قا­زاق­­ستانداعى قارا­شى­عاناق گاز كون­دەنسات كەشەنىن يگ­ە­رۋ­شى شە­تەل­دىك اليانس جىل سايىن وبلىس بيۋدجەتىنە قوماقتى قارجى قۇيىپ, ءوڭىردىڭ الەۋ­مەتتىك ماسەلەلەرىن دە شە­شۋگە اتسالىسىپ كەلەدى.

2020 جى­لى قاراشىعاناق پەترو­لەۋم وپەرەيتينگ ب.ۆ. كوم­پا­نيا­­سىنىڭ قاراجاتى ەسەبىنەن جا­ڭا­قالا اۋدانى ورتالىعىندا دەنە­ شىنىقتىرۋ-ساۋىقتىرۋ ور­تا­لى­عىنىڭ قۇرىلىسى اياقتالدى. سونى­مەن قاتار قازىرگى تاڭدا ءدال وسىن­داي 8 دەنە شىنىقتىرۋ-ساۋىق­تىرۋ ورتالىعى مەن بالالار مەن جاسوسپىرىمدەردىڭ سپورت مەكتەبىنىڭ ءبىر عيماراتى, ورال قالاسىندا 1 كوپبەيىندى مادە­نيەت سارايىنىڭ قۇرىلىسى ءجۇ­رىپ جاتىر. ورال حالىقارالىق اۋە­جاي عيماراتىنىڭ قايتا قۇ­­رى­لىسى مەن مودەرنيزاتسيا­لا­­ۋى دا وسى قپو ەسەبىنەن جۇر­­­­گىزىلۋدە. تاياۋ بولاشاقتا جا­­نىبەك, اقجايىق, بوكەي ور­داسى, شىڭعىرلاۋ, قاز­تا­لوۆ, تاس­قالا اۋدانى ورتا­لىق­تا­رىن­­دا, تەرەكتىنىڭ پودستەپنوە جانە قازتالوۆتىڭ جالپاقتال اۋىل­­دارىندا دا زاماناۋي سپورت كەشەندەرى پايدالانۋعا بەرىلمەك.