قۇرىلىس قارقىنى ارتتى

– بيىلدىڭ وزىندە 2 977 پاتەر ءوز يەسىن تابادى. باعدارلاما شەڭبەرىندە تۇر­عىن ءۇي قۇرىلىسىنا – 21,1 ملرد تەڭگە, ينفرا­قۇ­رى­لىمدارعا – 3,4 ملرد تەڭگە بولىنگەن, – دەيدى باتىس قازاقستان وبلىستىق قۇرىلىس باسقارماسى باسشىسىنىڭ مىندەتىن اتقارۋشى نۇركەن مولداشەۆ.

وڭىردە جالعا بەرىلەتىن تۇرعىن ءۇي قۇرى­لى­سى دا قارقىندى. بيىل­دىڭ وزىندە بۇعان 5,5 ملرد تەڭگە ءبولىنىپ, بۇل قارجىعا جالپى سانى 738 پاتەرلىك 4 بيىك ءۇي, اۋىلدا جالپى سانى 234 پاتەرلىك 99 تۇرعىن ءۇي سالىنىپ جاتىر. وسىلايشا, بارلىعى 972 پاتەر سالۋ كوزدەلگەن.

رەسپۋبليكالىق بيۋدجەتتەن بو­لىن­گەن قو­ماقتى قاراجاتقا اقساي قالاسىنان جانە اق­جايىق, جاڭا­قالا, قازتالوۆ, جانىبەك اۋداندارىنان حالىقتىڭ الەۋمەتتىك وسال توپتارى ءۇشىن 1,324 ملرد تەڭگەگە 470 پاتەر, كوپبالالى وتباسىلار ءۇشىن 2,1 ملرد تەڭگەگە 370 پاتەر سالىنىپ جاتىر. سونداي-اق جەرگىلىكتى بيۋدجەتتەن دە وسى ماقساتقا 2,1 ملرد تەڭگە بولىنگەن. ايتا كەتەيىك, ءبىر عانا قاراتوبە اۋىلىندا 67 ءۇيدىڭ قۇرىلىسى جۇرۋدە.

كەيبىر اۋداندار جەرگىلىكتى بيۋدجەت ەسەبىنەن دە قارجى كوزىن تاپقان. ماسەلەن, جاڭاقالا اۋدا­نى بيۋدجەتىنەن 21,3 ملن تەڭگە ءبولىپ, 3 قاباتتى تۇرعىن ءۇي قۇرى­لىس­ىن باستاسا, بوكەي ورداسى اۋدانى بيۋدجەتىنەن بولىنگەن 50,0 ملن تەڭگەگە ەكىپاتەرلىك 4 ءۇي سالىنباق.

ورال قالاسى مەن اقجايىق, ءبورلى, بوكەي ورداسى, قاراتوبە, تەرەكتى اۋداندارىندا 20 اقپارات­تىق-كوممۋنيكاتسيالىق ينفرا­قۇ­رىلىم نىسانىن سالۋ ءۇشىن 3,4 ملرد تەڭگە ءبولىندى. ونىڭ 17 نىسانى رەسپۋبليكا بيۋد­جە­تى ەسە­بى­نەن كوتەرىلمەك.

– 2020 جىلعا ارنالعان تۇرعىن ءۇيدى پايدالانۋعا بەرۋ جوسپارى 484,9 مىڭ شارشى مەتردى قۇرايدى. سونىڭ 120,1 مىڭ شار­شى­مەترى مەملەكەتتىك بيۋدجەت ەسەبى­نەن سا­لىنادى. ونىڭ ىشىندە 39,1 مىڭ شارشى مەتر تۇرعىن ءۇي جالعا بەرىلسە, 81,05 مىڭ شارشى مەتر نەسيەلىك جولمەن يەسىن تابادى, – دەيدى نۇركەن ەدىل ۇلى.

وسىلايشا, 2020 جىلدىڭ قورىتىندىسى بويىنشا 8 كوپ­پا­تەرلى تۇرعىن ءۇي (1 377 پاتەر) جانە اۋىلدىق ەلدى مەكەندەردە 93 تۇرعىن ءۇي (233 پاتەر), بارلىعى 1 610 پاتەردى پاي­دالانۋعا بەرۋ جوسپارلانعان. ونىڭ ىشىن­دە «تۇرعىن ءۇي قۇرىلىس جيناق بانكى» سالىمشىلارى ءۇشىن جالپى سانى 963 پاتەرلىك 6 ءۇي, تەرەكتى اۋدانىنا قاراستى توقپاي اۋىلىندا 120 پاتەرلىك 20 ءۇي بار.

سونىمەن قاتار الداعى جىلى قۇرىلىس قارقىنى قالاي بولاتىنى دا ماڭىزدى.

– 2021 جىلى جالعا بەرىلەتىن تۇرعىن ءۇي قۇرىلىسىن جۇرگىزۋ ءۇشىن رەسپۋبليكا بيۋدجەتىنەن 2,7 ملرد تەڭگە ءبولىنۋى قازىردىڭ وزىندە شەشىلدى. اتالعان قاراجاتقا ورال مەن اقساي قالاسىندا كوپ­پا­تەرلى قوس ءۇيدىڭ, قازتالوۆ, جاڭا­قالا, جانىبەك اۋداندارىن­دا كەزەكتە تۇرعاندار ءۇشىن جال­عا بەرىلەتىن 26 تۇرعىن ءۇيدىڭ قۇرى­لىسىن اياقتاۋ جوسپارلانۋدا. سونداي-اق اۋىلدىق ەلدى مەكەندەردە 16 ءۇيدىڭ قۇرىلىسى باستالماق. ونىڭ ىشىندە تاسقالا, تەرەكتى, اقجايىق, شىڭعىرلاۋ اۋدان­دارىندا 3 قاباتتى 10 ءۇي, بايتەرەك, اق­جايىق اۋداندارىندا ەكى قاباتتى ۇيلەر, قارا­توبە اۋدانىندا 4 پاتەرلى 3 ءۇي سالۋ جوس­پاردا تۇر, – دەيدى ن.مولداشەۆ.

2021 جىلعا ارنالعان اق­پا­را­تتىق-كوممۋ­ني­كاتسيالىق ين­­فرا­­قۇرىلىم نىساندارى قۇ­رى­لى­سىنا دا رەسپۋبليكالىق بيۋدجەت ەسەبىنەن الدىن الا 3,99 ملرد تەڭگە قول­داۋ تاۋىپتى. اتالعان قاراجاتقا ورال قالاسى, ءبورلى, تاسقالا, بوكەي ورداسى, جاڭا­قالا, شىڭعىرلاۋ, قازتالوۆ, اقجايىق, تەرەكتى اۋداندارىندا 23 جوبانى ىسكە اسىرۋ جوس­پار­لانعان. ونىڭ ىشىندە 19 جوبا بويىنشا جەكە تۇرعىن ءۇي قۇرىلىسى ءۇشىن اقپاراتتىق-كوممۋنيكاتسيالىق ينفراقۇرىلىم جەر ۋچاس­كەلەرىنە جەتكىزىلەدى.

سونداي-اق قۇرىلىسى بيىل باستالعان كوپپا­تەر­لى 7 تۇرعىن ءۇي جانە تەرەكتى اۋدانى توقپاي اۋىلىنداعى 20 كرەديتتىك ءۇي 2021 جىلى ءوز يەلەرىن كۇتەدى.