جايىق وزەنىنىڭ ساعاسى مەن كاسپي تەڭىزىنىڭ جاعالاۋىندا ورنالاسقان "اقجايىق" تابيعي رەزەرۆاتىندا شاعالا مەن سۋقۇزعىندار ءولىپ جاتىر.
كەشە رەزەرۆات اۋماعىندا 40 سۋقۇزعىننىڭ, سونداي-اق, 5 شاعالانىڭ ولگەنى انىقتالدى. ازىرگە قۇستاردىڭ قىرىلۋ سەبەبى بەلگىسىز بولىپ وتىر.
"ولگەن قۇستاردان بيوماتەريالدار الىنىپ, ۆەتەريناريا سالاسىنداعى ۇلتتىق رەفەرەنت ورتالىعىنا جىبەرىلدى. وبلىستىق ەكولوگيا دەپارتامەنتىنىڭ ماماندارى رەزەرۆات اۋماعىنداعى سۋ مەن توپىراقتان, اۋادان سىناما الدى. ەندى سىنامالارعا تالداۋ جۇرگىزىلەدى", دەپ حابارلادى وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ ءباسپاسوز قىزمەتى.