جوعارعى سوت توراعاسى قايرات ءمامي رەسپۋبليكانىڭ سۋديالار كورپۋسىمەن كەڭەيتىلگەن كەڭەس وتكىزدى. وندا جاقىندا وتكەن سۋديالاردىڭ VI سەزىنىڭ ناتيجەسى تالقىلانىپ, وسى فورۋمدا پرەزيدەنت نۇرسۇلتان نازارباەۆتىڭ العا قويعان تاپسىرمالارىن ىسكە اسىرۋ ءۇشىن ناقتى مىندەتتەر جۇكتەلدى.
جوعارعى سوت توراعاسى قايرات ءمامي رەسپۋبليكانىڭ سۋديالار كورپۋسىمەن كەڭەيتىلگەن كەڭەس وتكىزدى. وندا جاقىندا وتكەن سۋديالاردىڭ VI سەزىنىڭ ناتيجەسى تالقىلانىپ, وسى فورۋمدا پرەزيدەنت نۇرسۇلتان نازارباەۆتىڭ العا قويعان تاپسىرمالارىن ىسكە اسىرۋ ءۇشىن ناقتى مىندەتتەر جۇكتەلدى.
اتاپ ايتقاندا, ق. ءمامي سوت تورەلىگىن ساباقتاستىرا وتىرىپ جاڭعىرتۋعا كىرىسۋ, سوت ءىسىن جۇرگىزۋدە اقپاراتتىق تەحنولوگيالاردى قولدانۋدى كۇشەيتۋ جانە بۇقارالىق اقپارات قۇرالدارىمەن تىعىز قارىم-قاتىناس جاساۋدى جاقسارتۋ سىندى تاپسىرمالار بەردى.
سونىمەن بىرگە, مەملەكەت باسشىسىنىڭ سەزدە سويلەگەن سوزىندە ايتىلعان سۋديالاردىڭ سانىن كوبەيتۋ ەسەبىنەن ولاردىڭ جۇكتەمەسىن ازايتۋعا تاپسىرمالار مەجەلەندى.
جوعارعى سوت توراعاسىنىڭ العا قويعان جەكەلەگەن تاپسىرمالارى سوت جۇيەسىنىڭ ءيميدجىن ارتتىرۋعا, سوت قاتەلىكتەرىن بولدىرماۋعا, ادامداردى اۋرە-سارساڭعا سالماۋعا جانە تورەشىلدىكتەن ارىلۋعا باعىتتالعان.
ق. ءمامي داۋلاردى شەشۋدىڭ بالامالى ادىستەرىن ەنگىزۋگە جانە جانجالداردى سوتتان تىس رەتتەۋ ينستيتۋتتارىن دامىتۋعا باسا نازار اۋداردى. وسىعان بايلانىستى پرەزيدەنتتىڭ نۇسقاۋىنا سايكەس مەدياتسيا تۋرالى وتاندىق زاڭنامانى حالىقارالىق ستاندارتتارعا سايكەس كەلتىرۋ تاپسىرىلدى.
بۇعان قوسا, توراعا جوعارى سوت ساتىسىنا سۋديالاردىڭ بىلىكتىلىگىن ارتتىرۋ جانە ەلىمىزدىڭ سوتتارىندا كادر ساياساتىن جەتىلدىرۋ بويىنشا جۇمىستى جالعاستىرۋدى تاپسىردى.
كەڭەيتىلگەن كەڭەستىڭ قورىتىندىسى بويىنشا مەملەكەت باسشىسىنىڭ سۋديالاردىڭ VI سەزىندە بەلگىلەگەن مىندەتتەرىن ىسكە اسىرۋ جوسپارى دايىندالدى. ءاربىر تارماق بويىنشا جاۋاپتى ادامدار بەكىتىلدى. ق.ءمامي تاپسىرمانىڭ ورىندالۋ بارىسىن ەرەكشە باقىلاۋعا الدى, دەپ حابارلادى جوعارعى سوتتىڭ ءباسپاسوز قىزمەتى.