ورال قالاسىندا قازان ايى ىشىندە كارانتيندىك شەكتەۋ شارالارى 77 مارتە بۇزىلعان. قالالىق اكىمدىك پەن قالالىق پوليتسيا باسقارماسى, ۆولونتەرلەر جانە قوعام بەلسەندىلەرى جۇرگىزگەن مونيتورنيگ وسىنى انىقتاعان, دەپ حابارلايدى Egemen.kz.
باتىس قازاقستان وبلىستىق باس مەملەكەتتىك سانيتارلىق دارىگەرىنىڭ قاۋلىسىنا سايكەس ەنگىزىلگەن شەكتەۋ شارالارىنىڭ ساقتالۋىن قاداعالاۋ ماقساتىندا كوپتەگەن نىساندارعا مونيتورينگتىك تەكسەرۋ جۇمىستارىن جۇرگىزۋدە.
ورال قالاسى بويىنشا مونيتورينگتىك توپتاردىڭ باقىلاۋىندا تۇرعان 170-تەن استام نىسان بار. بىراق, كوپشىلىك جينالاتىن, سالتاناتتى ءىس-شارالار وتكىزۋ ماقساتىندا جالعا بەرەتىن جەكە ءۇي مەن كوتتەدجدەر ءوز كاسىبىن توقتاتار ەمەس.
"وتكەن قازان ايىندا جۇرگىزىلگەن مونيتورينگ ناتيجەسىندە ورال قالاسىندا جۇمىس كەستەسىن بۇزعان 22 نىسان, جۇمىس رەجيمىن ساقتاماعان 53 نىسان انىقتالدى. كارانتين ءتارتىبىن بۇزعان 2 تۇرعىن دا جاۋاپقا تارتىلدى", دەيدى ورال قالاسى اكىمى اپپاراتى اقپاراتتىق تەحنولوگيالار جانە مەملەكەتتىك قىزمەت كورسەتۋ مونيتورينگى ءبولىمىنىڭ باسشىسى اسلان جارمۇحانوۆ.
بۇگىندە كەيبىر مەيرامحانالاردىڭ, قوعامدىق ورىنداردىڭ شەكتەۋ ءتارتىبىن بىرنەشە مارتە بۇزعانى انىقتالعان. ەندى ول نىسانداردىڭ قىزمەتى سوت شەشىمىمەن شەكتەلۋى نەمەسە توقتاتىلۋى مۇمكىن.
ورال قالاسىنىڭ باس مەملەكەتتىك سانيتارلىق دارىگەرى م.تاناۋوۆتىڭ قاۋلىسىنا سايكەس, قاراشا ايىنىڭ 7-سىنەن باستاپ كەشكى ساعات 23.00.-دەن تاڭعى 6.00.-گە دەيىن اۆتوكولىكتەردىڭ جۇرۋىنە تيىم سالىندى.
قىزمەت بابىمەن نەمەسە اسا قاجەت جاعدايدا كوشەگە شىعاتىن كولىك يەلەرى "http://www.STOPCOVID.KZ" سايتىندا تىركەلۋى ءتيىس.
باتىس قازاقستان وبلىسى