ەلوردالىق پوليتسيا قىزمەتكەرلەرى ەرىكتىلەرمەن بىرلەسىپ كوروناۆيرۋس ينفەكتسياسىنىڭ الدىن الۋ ماقساتىندا ەلوردا تۇرعىندارى جانە قوناقتارىمەن ءتۇسىندىرۋ جۇمىستارىن جۇرگىزۋدە, - دەپ حابارلايدى Egemen.kz
پوليتسەيلەر ادامدار كوپ جينالاتىن جەرلەرگە بارىپ (سكۆەرلەر, ساياباقتار, اۆتوبۋس ايالدامالارى), تۇرعىندارعا قاۋىپسىزدىك شارالارىن ساقتاۋ كەرەكتىگىن تۇسىندىرەدى. سونداي-اق, ءتارتىپ ساقشىلارى قوعامدىق ورىندارعا بارماۋدى جانە الەۋمەتتىك قاشىقتىقتى ساقتاۋدى ەسكە سالادى. ەرىكتىلەر تۇرعىندارعا ماسكا تاراتتى. وتكىزىلگەن اكتسيانىڭ نەگىزگى ماقساتى - كوروناۆيرۋس ينفەكتسياسىنىڭ تارالۋىنا جول بەرمەۋ جانە ەلوردا تۇرعىندارىن قورعانىس قۇرالدارىمەن قامتاماسىز ەتۋ.
"ەلوردالىق پوليتسيا قىزمەتكەرلەرى كارانتين شارالارى مەن ازاماتتاردىڭ ورتاق جاۋاپكەرشىلىگى, سانيتارلىق نورمالار مەن الەۋمەتتىك قاشىقتىقتى ساقتاۋدىڭ ماڭىزدىلىعى تۋرالى ەسكە سالا وتىرىپ, حالىققا ءتۇسىندىرۋ جۇمىستارىن جۇرگىزۋدە. كوپ ادام بۇل شارالاردىڭ قاجەت ەكەنىن بىلەدى جانە اتقارىلىپ جاتقان جۇمىستارعا تۇسىنىستىكپەن قارايدى", - دەيدى جەرگىلىكتى پوليتسيا قىزمەتى ءبولىمىنىڭ باستىعى ازامات سادىقوۆ.
"كارانتين رەجيمىنىڭ العاشقى كۇندەرىنەن باستاپ ەرىكتىلەر بىزبەن تىعىز جۇمىس ىستەۋدە. ولار ماسكا تاراتتى, ال كەشكە ءموبيلدى توپتىڭ قۇرامىندا شەكتەۋ شارالارىن ساقتاۋ ءۇشىن كوڭىل كوتەرۋ جانە ويىن-ساۋىق ورىندارىن تەكسەرۋ ءۇشىن رەيدتەرگە شىقتى", - دەپ قوستى ول.
نۇر-سۇلتان قالاسىنىڭ پوليتسيا دەپارتامەنتى ساقتىق شارالارى تۋرالى ەسكە سالىپ, ازاماتتاردى قوعامدىق ورىنداردا جاۋاپتى بولۋعا شاقىرادى.