ستاتيستيكا كوميتەتىنىڭ حابارلاۋىنشا, 2020 جىلعى ءىىI توقساندا ءبىر قىزمەتكەردىڭ ورتاشا ايلىق اتاۋلى جالاقىسى 204330 تەڭگەنى قۇرادى, دەپ حابارلايدى Egemen.kz قازاقستان ۇلتتىق تەلەارناسىنا سىلتەمە جاساپ.
سالالىق قۇرىلىمدا ەڭ ۇلكەن جالاقى تاۋ-كەن ءوندىرۋ ونەركاسىبى جانە كارەرلەردى قازۋ – 448,5 مىڭ تەڭگە (ورتاشا رەسپۋبليكالىق دەڭگەيدەن 2,2 ەسەگە استى), قارجى جانە ساقتاندىرۋ قىزمەتىندە – 381 مىڭ تەڭگە (1,9 ەسەگە استى), كاسىبي, عىلىمي جانە تەحنيكالىق قىزمەتتە – 314,8 مىڭ تەڭگە (1,5 ەسەگە استى), اقپارات جانە بايلانىس سالاسىندا – 276,1 مىڭ تەڭگە (1,4 ەسەگە استى), كولىك جانە جيناقتاۋ سالاسىندا – 249,9 مىڭ تەڭگە (1,2 ەسەگە استى) دەپ بەلگىلەندى.
ەڭ تومەنگى اتاۋلى جالاقى اۋىل, ورمان جانە بالىق شارۋاشىلىعىنىڭ قىزمەتكەرلەرىندە – 142,6 مىڭ تەڭگە, بۇل رەسپۋبليكا بويىنشا ورتا كورسەتكىشتەن 30,2 %-عا تومەن.
وڭىرلەر بويىنشا ەڭ جوعارعى جالاقى اتىراۋ وبلىسىندا تىركەلدى – 350,8 مىڭ تەڭگە, بۇل ورتاشا رەسپۋبليكالىق كورسەتكىشتەن شامامەن 1,7 ەسەگە اسادى. تۇركىستان وبلىسىندا مۇنىڭ شاماسى 148,6 مىڭ تەڭگەنى قۇرادى, بۇل ەل بويىنشا ورتاشا دەڭگەيدەن 27,3%-عا تومەن.