جاۋىنگەر ەرلىگى جاريا ەتىلدى

ءمۇتاللاپ ءابۋتالىپوۆ سوعىس باس­تالعانعا دەيىن قىزىلسايا مەك­­تەپ-ينتەرناتىنىڭ ديرەكتو­رى, كوكشەتاۋ اۋداندىق پارتيا كوميتەتىنىڭ حاتشىسى بولىپ قىز­مەت ەتكەن. 1944 جىلى اسكەر قا­تا­رىنا الىنىپ, لەنينگراد جانە ۋكراينا مايداندارىنداعى شە­شۋ­شى شايقاستارعا قاتىسقان. 1944 جىلدىڭ باسىندا ۋكرايناداعى زەمليانكا ەلدى مەكەنى ءۇشىن بولعان قيان­كەسكى ۇرىستا قارۋلاستارىمەن بىرگە باسقىنشى جاۋعا كۇيرەتە سوققى بەرىپتى. الاساپىران, جان الىپ, جان بەرىسكەن العى شەپتە اسقان ەرلىك كورسەتكەن سەرجانت ءمۇتال­لاپ ءابۋتالىپوۆ ء«ى دارە­جەلى وتان سوعىسى» وردەنىنە ۇسى­نى­لادى. الايدا باتىر قايتپاس قايسار ەرلى­گىنىڭ بەلگىسىندەي ناگرا­دا­سىن الۋ­عا ۇلگەرمەگەن. سول جىل­دىڭ 24 قاڭ­تارىندا مايدان شەبىن­دە قازا تاۋىپ, كيەۆ وبلىسىنا قاراس­تى را­كيتيانسكي اۋدانىنداعى كالي­نوۆ­كا سەلوسىنىڭ ماڭىندا جەرلەن­گەن.

ارادا تالاي جىل وتسە دە اكەسىنىڭ جامباسى جەرگە تيگەن زيراتتى تاپ­قى­سى كەلگەن ۇرپاعى ىندەتە ىزدەگەن. دەرەگى 1982 جىلى شىقسا كەرەك. تۋ­عان جەردىڭ توپىراعىن سالۋعا, قايران اكەنىڭ باسىنا ءتاۋ ەتىپ, قۇران وقۋعا اتتانعان ۇلى چاپاي ءمۇتاللاپ ۇلى مەن كەلىنى رايسا تاسجانقىزى ناقتى جەرلەنگەن جەرىن تاۋىپ, كورنەكتى ەتىپ ەسكەرتكىش ورناتقان. كەيىن كيەۆ قالاسىنىڭ فاشيست باسقىنشىلارىنان ازات ەتىلۋىنە الپىس جىل تولۋىنا وراي قازاقستاننىڭ رەسمي دەلەگاتسياسىن باسقارىپ بارعان چاپاي ءابۋتالىپوۆ اكە رۋحىنا تاعى دا تاعزىم ەتەدى. بۇل جولى قازاقستاننىڭ تۇڭعىش قورعانىس ءمينيسترى, حالىق قاھار­ما­نى ساعادات نۇرماعامبەتوۆ, ەكى دۇركىن كەڭەس وداعىنىڭ باتىرى اتان­عان تالعات بيگەلدينوۆ بىرگە بولعان.

كوكشەتاۋدا باتىر ۇلىنىڭ ناگراداسى تاپسىرىلۋ ءساتى سالتاناتتى تۇردە اتالىپ ءوتتى. الدىمەن ءسوز العان كوكشەتاۋ قالاسىنىڭ اكىمى امانگەلدى سمايىلوۆ وتان ءۇشىن وت كەشكەن ەرلەردىڭ ەرلىك ءىسى ەشقاشان ولمەيتىنىن, كەيىنگى ۇرپاققا ونەگە بولىپ كوكىرەكتەرىندە جۇرەتىندىگىن ايتسا, قالالىق ارداگەرلەر كەڭەسىنىڭ توراعاسى شياپ اليەۆتىڭ ەرلىك پەن ەلدىكتى سيپاتتايتىن اتالى ءسوزى تالايدى تەبىرەنتەرلىك ەدى. 76 جىلدان كەيىن جاۋىنگەردىڭ شوبەرەسى باتىرحان مۇتتالاپوۆقا تابىستالعان ء«ى دارە­جە­لى وتان سوعىسى» وردەنىن رەسەي فە­دەرا­تسياسىسىنىڭ قازاقستانداعى ەل­شى­لىگىنىڭ اتتاشەسى سوفيا گالچينا تاپ­سىردى.

ءبىر كەزدە ناقاق جاۋىنگەرلەردىڭ جاۋ قولىنان وققا ۇشۋى قاسىرەت بولسا, مايدان دالاسىنداعى ەرەن ەر­لىك­تە­رى اراعا جىلدار سالىپ تابىلىپ جاتۋى قۋانىش دەۋگە دە بولار. ەل ءۇشىن جانىن قيعان جاۋىنگەرلەردىڭ ەر­لىك سورابى بۇگىنگى ۇرپاقتى وتاندى قالاي ءسۇيۋ كەرەك ەكەندىگىنە مەڭزەپ تۇرعانداي.

كوكشەتاۋ