قورعانىس ءمينيسترىنىڭ ورىنباسارى, گەنەرال-لەيتەنانت تيمۋر داندىباەۆ ارميا گەنەرالى ساعادات نۇرماعامبەتوۆ اتىنداعى قۇرلىق اسكەرلەرىنىڭ اسكەري ينستيتۋتى مەن راديوەلەكترونيكا جانە بايلانىس اسكەري-ينجەنەرلىك ينستيتۋتىنا باردى.
جوعارى وقۋ ورىندارىنىڭ باستىقتارى, گەنەرال-مايور دۋلات ادىربەكوۆ پەن گەنەرال-مايور اسقار مۇستابەكوۆ ءمينيستردىڭ ورىنباسارىنا وقۋ ورىندارىنداعى جۇمىستاردىڭ قازىرگى جاعدايى تۋرالى بايانداپ بەردى. سونىمەن قاتار پروفەسسور-وقىتۋشىلار قۇرامىمەن كەزدەسۋ ءوتتى.
جۇمىس ساپارى بارىسىندا تيمۋر داندىباەۆ سانيتارلىق-ەپيدەميالىق شەكتەۋلەر جاعدايىنداعى وقۋ جۇيەسىن, وقۋ-ماتەريالدىق بازانىڭ جاي-كۇيىن, وقۋ باعدارلامالارىنىڭ جۇزەگە اسىرىلۋىن تەكسەردى. ءمينيستردىڭ ورىنباسارى وقۋ تەحنيكاسى مەن قارۋ-جاراق ۇلگىلەرىن, وقۋ-ادىستەمەلىك بولمەلەردىڭ, كافەدرالاردىڭ, زەرتحانالاردىڭ, كىتاپحانالاردىڭ جابدىقتارى مەن جاتتىعۋ كەشەندەرىن قارادى.
كەزدەسۋدىڭ قورىتىندىسى بويىنشا وقۋ جۇيەسىنىڭ مازمۇنىن ودان ءارى جەتىلدىرۋ, اسكەري كادرلاردى دايارلاۋ ساپاسىن ارتتىرۋ جونىندە نۇسقاۋ بەرىلدى.