بانك جۇيەسىندەگى دەپوزيتتەر بيىلعى قىركۇيەك ايىنىڭ سوڭىندا 21,4 تريلليون تەڭگەنى قۇرادى. بۇل تۋرالى ۇلتتىق بانك توراعاسىنىڭ ورىنباسارى اقىلجان بايماعامبەتوۆ 2020-2022 جىلدارعا ارنالعان رەسپۋبليكالىق بيۋدجەتكە تۇزەتۋلەر ەنگىزۋ ماسەلەسى بويىنشا سەناتتىڭ جالپى وتىرىسىندا ايتتى, - دەپ حابارلايدى Egemen.kz
"بيىلعى قىركۇيەكتىڭ سوڭىندا بانك جۇيەسىندەگى دەپوزيتتەر جىل باسىنان بەرى 12,4 پايىزعا ۇلعايىپ, 21,4 ترلن تەڭگەنى قۇرادى. تەڭگەمەن سالىمدار 12,6 ترلن تەڭگەگە دەيىن 16,7 پايىزعا, ۆاليۋتالىق سالىمدار – 8,7 ترلن تەڭگەگە دەيىن 6,6 پايىزعا ءوستى", - دەدى ا. بايماعامبەتوۆ,
ونىڭ ايتۋىنشا, تەڭگەمەن اكتيۆتەردى قورعاۋ بويىنشا جەدەل شارالاردىڭ ناتيجەسىندە دەپوزيتتەردى دوللارلاندىرۋ 2020 جىلعى 9 ايدىڭ قورىتىندىسى بويىنشا 40,9 پايىزعا دەيىن (2020 جىلعى ناۋرىزدا 46,7%) تومەندەدى.