قازاقستاندىق جوو العاش رەت THE WUR by Subject رەيتينگىنە كىردى, دەپ حابارلايدى Egemen.kz
ءال-فارابي اتىنداعى قازۇۋ "Times Higher Education World University Rankings by Subject 2021" پاندىك رەيتينگىسىنىڭ قورىتىندىسى بويىنشا عىلىمي كورسەتكىشتەرىن جاقسارتىپ, بىرقاتار ماماندىقتار بويىنشا پوزيتسياسىن كۇشەيتتى.
THE WUR by Subject-تە 11 ءپان بويىنشا الەمنىڭ 1500-دەن استام ۇزدىك ۋنيۆەرسيتەتتەرى زەردەلەندى. جاھاندىق رەيتينگ ءادىسناماسى كورسەتكىشتەردىڭ بەس توبىنا بىرىكتىرىلگەن جانە جوعارى وقۋ ورىندارىنىڭ عىلىمي-زەرتتەۋ قىزمەتىنىڭ ءتۇيىندى سالالارىن كورسەتەتىن 13 باستى ينديكاتور نەگىزىندە جاسالادى. رەيتينگتى قۇرۋعا ارنالعان ماعلۇماتتار ءۇش دەرەككوزدەن جينالادى, ولار: ستاتيستيكالىق اقپارات, Scopus بيبليومەتريكالىق بازاسى جانە اكادەميالىق ساراپشىلاردان سۇراۋ.
وتكەن جىلمەن سالىستىرعاندا قازاقستاندىق جەتەكشى ۋنيۆەرسيتەت ءوز كورسەتكىشتەرىن ايتارلىقتاي جاقسارتتى جانە THE WUR by Subjec پوزيتسياسىن نىعايتتى. رەيتينگتە قازۇۋ-دىڭ بيزنەس جانە ەكونوميكا سالاسىنداعى ماماندىقتارى (501-600), ينجەنەريا (601-800), فيزيكالىق عىلىمدار (801-1000) سونداي-اق, الەۋمەتتىك عىلىمدار (601+) بويىنشا ماماندىقتار اتالدى.
قازۇۋ 2020 جىلى QS جاھاندىق رەيتينگىسىنىڭ ناتيجەلەرى بويىنشا الدىڭعى قاتارلى ۋنيۆەرسيتەتتەر تىزىمىندە 165-ءشى ورىنعا يە بولىپ, الەمنىڭ ۇزدىك 200 جوو-نىڭ قاتارىنا ەنگەنىن اتاپ وتكەن ءجون. تمد ەلدەرىنەن بۇل توپقا تەك لومونوسوۆ اتىنداعى ممۋ جانە ءال-فارابي اتىنداعى قازۇۋ ەندى. زەرتتەۋ ۋنيۆەرسيتەتىنە اينالا وتىرىپ, جەتەكشى قازاقستاندىق جوو باسقا دا الەمدىك دەڭگەيدە مويىندالعان رەيتينگتەردە سەرپىندى ىلگەرىلەۋدى جالعاستىرۋدا.