رەسپۋبليكا سۋديالارىنىڭ VIII سەزىندە "سوت اكتىلەرىنىڭ مەملەكەتتىك تىلدەگى ۇلگىلەرى" جيناعى تانىستىرىلدى, دەپ حابارلايدى Egemen.kz.
باسىلىمدى تانىستىرا وتىرىپ, جوبا جەتەكشىسى نۇرگۇل قاراعويشينا قىلمىستىق جانە ازاماتتىق ىستەر بويىنشا 300 سوت اكتىلەرىنەن جانە كولەمى 700 بەتتەن تۇراتىن جيناقتى ازىرلەۋگە ءبىر جىلعا جۋىق ۋاقىت كەتكەنىن حابارلادى. "جيناق ماتەريالدارىن عىلىمي تالداۋ ءۇشىن ءال-فارابي اتىنداعى قازۇۋ-دىڭ زاڭ جانە فيلولوگيا فاكۋلتەتتەرىنىڭ عالىمدارىنا جۇگىندىك. زاڭ ساراپتاماسىن اۋماقتىق ورگانداردىڭ جانە جوعارعى سوتتىڭ سۋديالارى جۇرگىزدى", دەدى ن.قاراعويشينا.
كوپ ساتىلى تەكسەرۋدەن كەيىن يۋسايد قولداۋىمەن كىتاپتىڭ 1 مىڭ داناسى شىعارىلدى.
"سوت اكتىلەرىنىڭ مەملەكەتتىك تىلدەگى ۇلگىلەرى" جۇمىس بارىسىندا پايدالانۋ ءۇشىن اۋماقتىق ورگاندارعا جىبەرىلدى. ن.قاراعويشينا جيناقتىڭ رەداكتسيالىق القاسى – ج.اسانوۆ, د.ءامىروۆ, ن.ءشارىپوۆ, ا.مەرعاليەۆ, ءو.ىبىراەۆ, ە.بورانباەۆ, ن.قايىپجان, گ.دۇيسەنباەۆ جانە ا.جۇكەنوۆكە زاڭگەرلىك ساراپتاما جۇرگىزۋگە كومەكتەسكەندەرى ءۇشىن ريزاشىلىعىن ءبىلدىردى. ب.مۇحيتدەنوۆا مەن گ.ءسابيتوۆانىڭ جيناقتى شىعارۋعا قوسقان ۇلەستەرى اتاپ ءوتىلدى.
ن.قاراعويشينانىڭ ايتۋىنشا, سۋديالار مەن سوت قىزمەتكەرلەرى ءۇشىن قوسىمشا كومەكشى قۇرال شىعارۋ ءىس جۇرگىزۋ ءتىلىن جەتىلدىرۋگە جانە سوت اكتىلەرىنىڭ ساپاسىن ارتتىرۋعا ىقپال ەتەدى.