بۇگىن 28 قازاندا ۇلىبريتانيادا مامىر ايىنان باستاپ COVID-19 ينفەكتسياسىمەن اۋىراتىن ادامداردىڭ ءولىم-ءجىتىمىنىڭ رەكوردتىق ءوسىمى تىركەلدى, جۇقتىرعاندار ىشىنەن 367 ادام قايتىس بولدى. سونىمەن قاتار, مۇندا تاۋلىگىنە COVID-19 ينفەكتسياسىنىڭ 22 مىڭ 885 جاعدايى انىقتالدى.
يتاليادا ءبىر تاۋلىكتە COVID-19 جۇقتىرعان 221 ادام قايتىس بولدى. بۇل 15 مامىردان بەرگى ەڭ جوعارى كورسەتكىش. سونداي-اق, 27 قازاندا كوروناۆيرۋس جۇقتىرعان 21 مىڭ 944 ادام انىقتالدى, بۇل الدىڭعى كۇنمەن سالىستىرعاندا 5 مىڭ جاعدايعا كوپ.ەپيدەميولوگيالىق جاعدايدىڭ ناشارلاۋىنا بايلانىستى, دۇيسەنبىدەن باستاپ يتاليا ۇكىمەتى شەكتەۋلەردى كۇشەيتتى: ەلدەگى بارلىق كينوتەاترلار, تەاترلار جانە سپورت زالدار مەن باسسەيندەر جابىق تۇر.