44834 جولاۋشى 6 قازاندا پتر-عا قاتىستى شەكتەۋ شارالارى ەنگىزىلگەن ساتتەن باستاپ حالىقارالىق اۆيارەيستەرمەن كەلدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ مالىمدەدى.
ونىڭ ايتۋىنشا, 84% – ى انىقتامالارمەن, 7540 ادام انىقتاماسىز كەلگەن. ولار پتر تەستتەرىن تاپسىرۋ ءۇشىن اۋرۋحانالارعا ەكى كۇندىك كارانتينگە ورنالاستىرىلدى. ونىڭ ىشىندە 39 سىرتتان كەلگەن جاعداي انىقتالدى. ياعني, 426 حالىقارالىق اۆيارەيستىڭ 19-دا كۆي بار جولاۋشىلار بولدى. ولاردىڭ جانىندا بايلانىستا بولعاندار سانى 413 ادام جانە 44 بورتسەرىك. مونيتورينگ ناتيجەلەرى بويىنشا كونتاكتىلەردە دە, بورتسەرىكتەردە دە COVID-19 انىقتالعان جوق. ايتا كەتەيىك, ەكى كۇندىك كارانتين نۇر-سۇلتان, الماتى, شىمكەنت, ورال, اقتوبە, اتىراۋ, اقتاۋ, قاراعاندى قالالارىندا ورنالاستىرىلادى.
6 قازاننان باستاپ پتر انىقتاماسىنسىز شەتەل ازاماتتارىن ەلگە كىرگىزبەۋ تۋرالى قاۋلىنىڭ تالاپتارىن ەسكەرە وتىرىپ, 31 جولاۋشى قايتارىلدى. ولاردىڭ مەرزىمى ءوتىپ كەتكەن نەمەسە تەست ناتيجەلەرى تۋرالى انىقتاما بولماعان. بۇل رەسەي, ۋكراينا, بەلارۋس, تۇركيا, ۇلىبريتانيا جانە گەرمانيا ازاماتتارى.