ايدا بالاەۆا قر اقپارات جانە قوعامدىق دامۋ مينيسترلىگى, ءال-فارابي اتىنداعى قازاق ۇلتتىق ۋنيۆەرسيتەتى جانە قر ەكولوگيا, گەولوگيا جانە تابيعي رەسۋرستار مينيسترلىگى اراسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويدى, دەپ حابارلايدى Egemen.kz.
مەموراندۋمنىڭ ماقساتى - ەكولوگيا سالاسىندا ماماندانعان سالالىق جۋرناليستەردى دايارلاۋ.مەموراندۋم تاراپتاردىڭ ەكوجۋرناليستەردى دايارلاۋ ماسەلەسىندە ىنتىماقتاستىعىن كوزدەيدى.
تاراپتاردىڭ ارقايسىسى ءوز قۇزىرەتى شەڭبەرىندە بولاشاق جۋرناليستەردىڭ كاسىبيلىگىن ارتتىرۋعا جاعداي جاساۋعا نيەتتى.بۇل رەتتە ەكولوگيا ماسەلەلەرى قوعامدا وتە وزەكتى جانە كەڭىنەن جاريا ەتىلۋدە ەكەندىگىن اتاپ وتكەن ءجون.
تيىسىنشە وسى سالادا ءتيىمدى اقپاراتتىق تۇسىندىرمە جۇمىستارىن جۇرگىزۋدى قاجەت ەتەدى.مەموراندۋم اياسىندا بىرقاتار ناقتى ءىس-شارالار وتكىزىلمەك, ونىڭ ىشىندە ءبىلىم بەرۋ باعدارلامالارى جەتىلدىرىلەدى, ستۋدەنتتەردىڭ كاسىبي پراكتيكالارى مەن تاعىلىمدامالارى ۇيىمداستىرىلادى, سالالىق جۋرناليستەردىڭ پۋلدارى قۇرىلادى.ناتيجەسىندە مەديا نارىقتى ەكولوگيا سالاسىندا ماتەريالدار ىزدەۋگە جانە ماقالالار دايىنداۋعا ماماندانعان بىلىكتى جۋرناليستەرمەن قامتاماسىز ەتۋ جوسپارلانۋدا.
ەسكە سالساق, قازىرگى ۋاقىتتا مينيسترلىك سالالىق جۋرناليستەردى دايارلاۋ بويىنشا جۇمىس جۇرگىزۋدە.بۇدان بۇرىن مەديتسينا جانە ءدىن سالالارىندا ماماندانعان جۋرناليستەردى دايارلاۋ ءۇشىن ل.ن. گۋميلەۆ اتىنداعى ەۇۋ-مەن ءوزارا تۇسىنىستىك پەن ىنتىماقتاستىق تۋرالى 2 مەموراندۋمعا قول قويىلعان بولاتىن.