الەمدەگى ەڭ باي ون ادام ءبىر كۇندە ميللياردتارىنان ايىرىلدى

26 قازانداعى اۋكتسيون ناتيجەلەرى بويىنشا العاشقى 10 رەيتينگتىڭ ەكى ميللياردەرى عانا ءوز داۋلەتتەرىن ارتتىرا الدى: Tesla مەن SpaceX نەگىزىن قالاۋشى يلون ماسك 2,88 ميلليارد دوللارعا بايىدى, ول رەيتينگتىڭ ءتورتىنشى قاتارىندا, ال Amazon نەگىزىن قالاۋشى دجەفف بەزوستىڭ 263 ميلليون دوللارعا داۋلەتى ارتتى. ول ءالى دە رەيتينگتىڭ كوشباسشىسى بولىپ قالا بەرەدى.

فوربس جۋرنالىنىڭ مالىمەتىنشە, الەمدەگى ەڭ باي ون ادامنىڭ ءبىر كۇندەگى جيىنتىق بايلىعى 17 ميلليارد دوللاردان استامعا ازايدى. ال وندىقتىڭ ىشىنەن كاپيتالى ازايماعان جالعىز كاسىپكەر - Amazon نەگىزىن قالاۋشى دجەفف بەزوس بولدى. يلون ماسك 66 ميلليون دوللار جوعالتتى.

ميللياردەرلەر داۋلەتىنىڭ قۇلدىراۋىن 26 قازانداعى امەريكاندىق بيرجالارداعى ساتىلىمدارمەن تۇسىندىرۋگە بولادى. Dow Jones 2,3 پايىزعا تومەندەدى, بۇل 3 قىركۇيەكتەن باستاپ بىرىڭعاي ساۋدا سەسسياسىنداعى ەڭ ۇلكەن قۇلدىراۋ. S&P 500 1,9 پايىزدى جوعالتتى, بۇل ءبىر ايداعى ەڭ ۇلكەن قۇلدىراۋ, ال Nasdaq 1,6 پايىزعا تومەندەدى.