"Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك بەينەكونفەرەنتسيا رەجيمىندە شىۇ+ حالىقارالىق پارتياارالىق فورۋمىندا ءسوز سويلەدى, دەپ حابارلايدى Egemen.kz.
شانحاي ىنتىماقتاستىق ۇيىمىنا مۇشە مەملەكەتتەردەن باسقا تمد مەن بريكس ەلدەرى پارتيالارىنىڭ وكىلدەرى قاتىستى. ونىڭ كۇن تارتىبىندە بيلەۋشى پارتيالاردىڭ پاندەمياعا, كوروناداعدارىستىڭ الەۋمەتتىك-ەكونوميكالىق سالدارلارىنا قارسى جانە وڭىردە كيبەرقاۋىپسىزدىكتى قامتاماسىز ەتۋ بويىنشا ءىس-قيمىلىن ۇيلەستىرۋ ماسەلەلەرى قارالدى.
باۋىرجان بايبەك ءوز سوزىندە بۇگىندە الەم كوروناۆيرۋس پاندەمياسىنان تۋىنداعان جاھاندىق داعدارىسقا تاپ بولعانىن اتاپ ءوتتى. الەمدىك ەكونوميكانىڭ ءوسۋى باياۋلاپ, ساۋدا قاتىناستارى ءۇزىلىپ, گەوساياسي شيەلەنىس ارتۋدا. وسىعان بايلانىستى سەرىكتەس ەلدەردىڭ بيلەۋشى پارتيالارى اراسىنداعى ءوزارا ءىس-قيمىل ەرەكشە ماڭىزدى بولىپ وتىر.
"قازاقستان رەسپۋبليكاسىنىڭ تۇڭعىش پرەزيدەنتى, "Nur Otan" پارتياسىنىڭ ليدەرى نۇرسۇلتان ءابىش ۇلى نازارباەۆ قۇرىلۋىنا باستاماشىلاردىڭ ءبىرى بولعان شانحاي ىنتىماقتاستىق ۇيىمىنىڭ ەۋرازيا قۇرلىعىنىڭ باسىم بولىگىندە نارىقتى دامىتۋ مەن قاۋىپسىزدىكتى قامتاماسىز ەتۋدە الەۋەتى زور. جۇيەلى رەفورمالارمەن بىرگە ينتەگراتسيالىق جوبالارعا قاتىسۋ, سەرىكتەس ەلدەرمەن ساۋدا-ەكونوميكالىق بايلانىستاردى تەرەڭدەتۋ قازاقستان ەكونوميكاسىنىڭ دامۋىنا قولايلى اسەر ەتتى", - دەدى ول.
"Nur Otan" پارتياسى توراعاسىنىڭ ءبىرىنشى ورىنباسارى قازاقستاننىڭ ەكونوميكاداعى جەتىستىكتەرمەن قاتار ساياسي رەفورمالاردى دا جۇيەلى جۇرگىزىپ كەلە جاتقانىن اتاپ ءوتتى.
"بۇگىندە قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ باستاماسىمەن ساياسي پارتيالاردى تىركەۋ ءتارتىبى ايتارلىقتاي جەڭىلدەتىلدى, پارلامەنتتىك وپپوزيتسيا ۇعىمى زاڭنامامەن ەنگىزىلدى, پارتيالاردىڭ سايلاۋالدى تىزىمدەرىندە ايەلدەر مەن جاستار ءۇشىن مىندەتتى كۆوتالار بەلگىلەندى. نۇرسۇلتان ءابىش ۇلى نازارباەۆتىڭ 5 ينستيتۋتسيونالدىق رەفورماسىن جۇزەگە اسىرۋ اياسىندا ەلىمىزدەگى سايلاۋ جۇيەسى تولىعىمەن پروپورتسيونالدى قاعيداتقا كوشتى. 2021 جىلدىڭ 10 قاڭتارىندا وتەتىن ءماجىلىس پەن بارلىق دەڭگەيدەگى جەرگىلىكتى وكىلدى ورگاندار سايلاۋى العاش رەت وسى جۇيە بويىنشا وتەدى. ءبىر جىل بۇرىن "Nur Otan" ءوزىنىڭ قايتا جانداندىرۋ باعدارلاماسىن ىسكە قوسىپ, ونىڭ نەگىزگى ەلەمەنتى جالپىۇلتتىق دەڭگەيدە العاش رەت وتكىزىلەتىن پرايمەريز بولدى", - دەدى باۋىرجان بايبەك.
ونىڭ ايتۋىنشا, "Nur Otan" پارتياسى تەك پارتيالار اراسىندا عانا ەمەس, جاستار ۇيىمى, زەرتتەۋ ينستيتۋتتارى مەن مەكتەپتەرى سياقتى قۇرىلىمدىق بولىمشەلەر اراسىنداعى ىنتىماقتاستىقتى تەرەڭدەتە ءتۇسۋدى بەلسەندى قولداي وتىرىپ, حالىقارالىق ىنتىماقتاستىققا ۇلكەن ءمان بەرەدى.
"قازىرگى جاھاندىق پاندەميانى ەسكەرە وتىرىپ, وسى فورۋم اياسىندا ىندەت تۋعىزۋى مۇمكىن جۇقپالى اۋرۋلاردىڭ تارالۋىنا قارسى ءتيىمدى شەشىمدەر قابىلداۋ ماقساتىندا دەنساۋلىق ساقتاۋ سالاسىنداعى ءوزارا ءىس-قيمىلدى كۇشەيتۋ سياقتى وزەكتى ماسەلەلەردى تالقىلاۋ ماڭىزدى دەپ سانايمىن. ەكىنشىدەن, قاراپايىم ادامداردىڭ مۇددەلەرىن قورعاۋعا باسا نازار اۋدارا وتىرىپ, كوروناداعدارىستىڭ الەۋمەتتىك-ەكونوميكالىق سالدارىمەن كۇرەستەگى پارتيالارىمىزدىڭ ءرولىن, سونداي-اق, تسيفرلىق سەنىمنىڭ ورتاق كەڭىستىگىن قالىپتاستىرۋعا قاتىستى ارەكەتتەردى ۇندەستىرۋ جايىن دا قاراستىرعان ءجون.
قازاقستان پرەزيدەنتى قاسىم-جومارت كەمەل ۇلى توقاەۆ بۇعان دەيىن شىۇ-نىڭ اقپاراتتىق قاۋىپسىزدىك ورتالىعىن قۇرۋ يدەياسىن جاريالاعان بولاتىن. سەرىكتەس ەلدەردە ينتەرنەت-تەحنولوگيالاردىڭ ءرولى ەسەلەپ ارتقانىن ەسكەرسەك, مۇنىڭ وڭىردەگى كيبەرقاۋىپسىزدىكتى قامتاماسىز ەتۋدىڭ پارمەندى قۇرالىنا اينالۋعا ابدەن مۇمكىندىگى بار", - دەپ تۇيىندەدى "Nur Otan" پارتياسى توراعاسىنىڭ ءبىرىنشى ورىنباسارى.
شىۇ+ فورۋمى بارىسىندا "ەدينايا روسسيا" پارتياسىنىڭ توراعاسى دميتري مەدۆەدەۆ, شىۇ باس حاتشىسى ۆلاديمير نوروۆ, ءۇندىستان رەسپۋبليكاسىنىڭ بحاراتيا جاناتا پارتي توراعاسى ناددا دجاگاتا پراكاشا, قىتاي كوممۋنيستىك پارتياسى ورتالىق كوميتەتىنىڭ حالىقارالىق ءبولىمىنىڭ مەڭگەرۋشىسى سۋن تاو جانە باسقالارى ءسوز سويلەدى.
ەكى كۇندىك فورۋمنىڭ سوڭىندا كۇن ءتارتىبى اياسىندا پارتيالاردىڭ ودان ءارى ىنتىماقتاستىعىن ايقىندايتىن قورىتىندى قۇجات قابىلدانباق.