جەزقازعاندا جول قوزعالىسى ەرەجەسىن بۇزعان جۇرگىزۋشىنىڭ كولىگىنەن قاتىرىلعان كيىك ەتى تابىلدى, – دەپ حابارلايدى Polisia.kz.
21 قازان كۇنى جەزقازعان قالالىق پوليتسيا باسقارماسىنىڭ قىزمەتكەرلەرى “براكونەر” جەدەل – الدىن الۋ ءىس-شاراسى بارىسىندا جول ءجۇرۋ ەرەجەسىن بۇزعان 50 جاستاعى ازاماتتىڭ باسقارۋىنداعى اۆتوكولىكتى توقتاتقان. وعان قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 601-بابىنا (جول بەلگىلەرىمەن نەمەسە جولدىڭ ءجۇرۋ بولىگىندەگى تاڭبالارمەن كورسەتىلگەن تالاپتاردى ساقتاماۋ) سايكەس حاتتاما تولتىرىلعان. كولىككە جۇرگىزىلگەن تەكسەرۋ بارىسىندا اۆتوماشينانىڭ جۇك سالعىشىنان قاتىرىلعان كيىك ەتى تابىلدى.
اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 339-بابىنا (وسىمدىكتەردىڭ نەمەسە جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سايكەس قىلمىستىق ءىس قوزعالدى. ءتيىستى ساراپتامالار تاعايىندالىپ, تەرگەۋ امالدارى جۇرگىزىلۋدە.