كەشە ونلاين فورماتتا وتكەن قازاقستاندىق ينۆەستيتسيالىق فورۋمدا قازاقستاننىڭ ينۆەستيتسيالىق مۇمكىندىكتەرى تالقىلاندى. ءىس-شارانى «سامۇرىق-قازىنا» ۇاق» اق «Kazakh Invest» ۇك» اق جانە قازاقستاننىڭ ۇلىبريتانياداعى ەلشىلىگىمەن سەرىكتەستىكتە ۇيىمداستىردى. فورۋمعا «سامۇرىق-قازىنا» اق باسقارما توراعاسى احمەتجان ەسىموۆ, قوردىڭ پورتفەلدىك كومپانيالارىنىڭ باسشىلارى, ۇلىبريتانيا مەن قازاقستان بيزنەس-قاۋىمداستىقتارىنىڭ وكىلدەرى قاتىستى.
قور باسشىسى احمەتجان ەسىموۆ فورۋمنىڭ ونلاين-سەسسياسىن اشا وتىرىپ, پاندەميانىڭ العاشقى تولقىنى كەزىندە الىنعان تاجىريبە نەگىزگى وندىرىستىك كورسەتكىشتەردىڭ ەلەۋلى تومەندەۋىنە, كاسىپورىنداردىڭ توقتاپ قالۋىنا نەمەسە وندىرىستىك پەرسونالدىڭ قىسقارۋىنا جول بەرمەي, سىن-قاتەرلەرگە توتەپ بەرگەنىن اتاپ ءوتتى.
سونىمەن قاتار كورپوراتيۆتىك باسقارۋدىڭ وزىق ادىستەرىن ەنگىزۋ, نەگىزگى باسقارۋ شەشىمدەرىن قابىلداۋ تاسىلدەرىن جەتىلدىرۋ بۇۇ-دا جوعارى باعالانادى. ەسكە سالا كەتەيىك, وتكەن اپتادا بۇۇ «سامۇرىق-قازىنا» قورىن تۇراقتى دامۋدى, تۇراقتى دامۋ باستامالارى مەن ESG پرينتسيپتەرىن جۇزەگە اسىرۋدى قامتاماسىز ەتەتىن 20 وزىق قوردىڭ تىزىمىنە قوستى. اعىمداعى جىلدىڭ ماۋسىم ايىندا S&ر Global Ratings حالىقارالىق رەيتينگتىك اگەنتتىگى «سامۇرىق – قازىنا» اق-نىڭ ۇزاق مەرزىمدى جانە قىسقا مەرزىمدى كرەديتتىك رەيتينگتەرىن «ۆۆ+/ۆ» دەڭگەيىندە راستادى, بولجام – «تۇراقتى». Fitch Ratings اگەنتتىگى قورعا «BBB» دەڭگەيىندە رەيتينگ بەردى, بولجام «تۇراقتى/»F2».
«سامۇرىق-قازىنا» سەنىمدى بيزنەس-سەرىكتەس رەتىندە بەرىك بەدەلگە يە. ۇاق باسشىسى احمەتجان ەسىموۆ قازاقستاندىق ينۆەستيتسيالىق فورۋمعا قاتىسۋشىلارعا ارناعان ۇندەۋىندە قوردىڭ قازاقستاندىق-بريتاندىق ءوزارا ارەكەتتەسۋ الەۋەتىن ىسكە اسىرۋعا مۇددەلى ەكەندىگىن اتاپ ءوتتى.
«الداعى 5 جىلدا قور قازاقستان رەسپۋبليكاسىنداعى جاڭا ينۆەستيتسيالاردىڭ ۇلەسىن تازا اكتيۆتەر قۇنىنان 2%-دان 10%-عا دەيىن, ال حالىقارالىق, تىكەلەي جانە پورتفەلدىك ينۆەستيتسيالاردىڭ جالپى ۇلەسىن 2028 جىلعا قاراي 20%-عا دەيىن ۇلعايتۋدى جوسپارلاپ وتىر», دەدى ا.ەسىموۆ.
الەمدىك COVID-19 داعدارىسىنا قاراماستان, قور قۇندى ۇلعايتۋ مۇمكىندىكتەرىن ىزدەۋدى جالعاستىرۋدا جانە وزگەرمەلى الەم مەن ينۆەستيتسيالىق ورتاعا اشىق بولىپ قالا بەرەدى. تەك سوڭعى ءبىر جىلدىڭ ىشىندە قور جالپى سوماسى 600 ملن اقش دوللارىن قۇرايتىن تىكەلەي ينۆەستيتسيا قورلارى ارقىلى قازاقستانعا ينۆەستيتسيالاردى تارتۋعا قولداۋ كورسەتتى.
سونداي-اق, ا.ەسىموۆ قور جەكەشەلەندىرۋ باعدارلاماسىن جۇزەگە اسىرۋدى جالعاستىراتىنىن ايتتى. اعىمداعى جىلدىڭ ماۋسىم ايىندا قور لوندون قور بيرجاسىندا جانە «استانا» حالىقارالىق قارجى ورتالىعىندا «قازاتومونەركاسىپ» ۇاك» اق اكتسيالارىنىڭ جانە جاھاندىق دەپوزيتارلىق قولحاتتارىنىڭ قوسىمشا 6,27%-ىن ورنالاستىردى. لوندون قور بيرجاسى ارقىلى تارتىلعان ينۆەستورلاردىڭ ۇلەسى 43%-دى قۇرادى.
ءسوزىنىڭ سوڭىندا ا.ەسىموۆ بريتاندىق كومپانيالاردى كەلەشەگى بار سالالارعا ينۆەستيتسيا سالۋعا شاقىردى. ءوز كەزەگىندە, بريتاندىق ىسكەري قاۋىمداستىقتىڭ وكىلدەرى ىنتىماقتاستىقتى نىعايتۋعا دەگەن ەكى جاقتى نيەتتەرىن راستاي وتىرىپ, قورمەن قارىم-قاتىناستىڭ جاقسى ديناميكاسىن اتاپ ءوتتى جانە قازاقستانداعى ينۆەستيتسيالىق احۋالدى جوعارى باعالادى.