تاياۋدا تاراز قالاسىندا باستاۋ العان رەسپۋبليكالىق شارا «قازىرگى زامان قاھارمانى» دەپ اتالادى. قازاقستاندىق پوليتسيانىڭ وڭ ءيميدجىن قالىپتاستىرۋ, ىشكى ىستەر ورگاندارىنىڭ جەكە قۇرامىن ەرلىك, پاتريوتتىق پەن ادامگەرشىلىككە تاربيەلەۋ ماقساتىندا قولعا الىنعان شارا حالىق قاھارمانى عازيز بايتاسوۆ وپات بولعان ورىنعا گۇل شوقتارىن قويۋدان باستالدى. وسىلايشا شارا شىمىلدىعى وعان قاتىسقان بارشا جۇرتشىلىقتىڭ ەرلىككە تاعزىم ەتۋىمەن اشىلدى.
تاياۋدا تاراز قالاسىندا باستاۋ العان رەسپۋبليكالىق شارا «قازىرگى زامان قاھارمانى» دەپ اتالادى. قازاقستاندىق پوليتسيانىڭ وڭ ءيميدجىن قالىپتاستىرۋ, ىشكى ىستەر ورگاندارىنىڭ جەكە قۇرامىن ەرلىك, پاتريوتتىق پەن ادامگەرشىلىككە تاربيەلەۋ ماقساتىندا قولعا الىنعان شارا حالىق قاھارمانى عازيز بايتاسوۆ وپات بولعان ورىنعا گۇل شوقتارىن قويۋدان باستالدى. وسىلايشا شارا شىمىلدىعى وعان قاتىسقان بارشا جۇرتشىلىقتىڭ ەرلىككە تاعزىم ەتۋىمەن اشىلدى.
وسىدان ءدال ەكى جىل بۇرىن تەك تارازدى ەمەس, بارشا قازاقستاندىقتاردى ءدۇر سىلكىندىرگەن وقيعا ەلدىڭ ەسىنەن ءالى وشە قويعان جوق. قاراشانىڭ 12-ءسى كۇنى ۇيالاعان ۇرەي تابى جۇرتتىڭ جۇرەگىندە ءالى دە بار. تارازداعى لاڭكەستىكتەن كەيىن ەلىمىزدىڭ ءار ايماعىنان ەستىلىپ قالعان «جارىلدى, اتتى, ءولتىردى» دەگەن سۋىق حابارلارعا ەل ەلەڭدەۋلى, جۇرت الاڭ. ەكى جىل وتسە دە عازيز جانىن قۇربان ەتكەن كاپيتان بايتاسوۆتىڭ, قارۋلى قىلمىسكەرگە قارسى تۇرامىن دەپ شەيىت بولعان پوليتسيا سەرجانتتارى – پولات ايانقۇلوۆ پەن جاقسىبەك بايسەيىتوۆتىڭ ەسىمدەرى ەل ەسىندە, ەرلىكتەرى ەرتەڭگى ۇرپاققا ونەگە.
رەسپۋبليكالىق شاراعا ءىىم كادر دەپارتامەنتى, ءىىم ىشكى اسكەرلەرى كوميتەتى, جامبىل وبلىستىق ءىىد, قالالىق ءىىب-ءنىڭ باسشىلىعى مەن جەكە قۇرامى, ارداگەرلەرى, وبلىستىق جانە قالالىق اكىمدىك وكىلدەرى, سونداي-اق, ەلىمىزدىڭ تۇكپىر-تۇكپىرىنەن كەلگەن پوليتسيا قىزمەتكەرلەرى قاتىستى. ءبىر ايتا كەتەرلىگى, وڭىرلەردەن وسى شاراعا ارنايى كەلگەن 21 ءتارتىپ ساقشىسىنىڭ بارلىعى قىزمەت بابىندا ەرلىك كورسەتىپ, ەل العىسىن العاندار.
پوليتسيا كاپيتانى عازيز بايتاسوۆ قازا تاپقان جەرگە جينالعان جۇرت – پوليتسيا قىزمەتكەرلەرى مەن قالا تۇرعىندارى, جوو ستۋدەنتتەرى مەن مەكتەپ وقۋشىلارى وسىدان ەكى جىل بۇرىن قاندىقول لاڭكەستى قۇرىقتاۋ كەزىندە قازا بولعان ساقشىلاردى ءبىر مينۋت ۇنسىزدىكپەن ەسكە الدى.
ەل تىنىشتىعى ءۇشىن جاندارىن قيىپ, انتتارىنا ادالدىق تانىتقان اسىل ازاماتتاردىڭ بەينەسى وتانشىلدىقتىڭ ناقتى ۇلگىسى بولىپ قالارى ءسوزسىز. ەردىڭ ەرىنىڭ عانا قولىنان كەلەتىن قادامعا بارىپ, بەيبىت كۇندە جاساعان باتىرلىقتارى بولاشاق ۇرپاق جادىندا ماڭگى ساقتالارى دا ءسوزسىز.
«قازىرگى زامان قاھارمانى» شاراسى ىشكى ىستەر ورگاندارىنىڭ جاس ماماندارىنا انتقا ادالدىق, قىزمەتتىك مىندەتكە تازالىق دەگەن ۇعىمداردىڭ ءتۇپ-تامىرىن ءتۇسىندىرىپ بەرەدى. اعا بۋىن رەتىندە جاستارعا ايتار اقىل-كەڭەسىمىز ورتايمايدى. الايدا, كوزبەن كورىپ, قولمەن ۇستاپ كورگەن مۇنداي شارالاردىڭ بەرەرى مول, ءتالىمى تەرەڭ», – دەيدى جامبىل وبلىستىق ءىىد ارداگەرلەر كەڭەسىنىڭ توراعاسى, پوليتسيا پولكوۆنيگى ورنەكباي سمايىلوۆ.
اكتسياعا عازيزدىڭ كوزى – قوس ق ۇلىنىن ەرتىپ اكەلگەن حالىق قاھارمانىنىڭ جارى گۇلجامال تاجيەۆا دا قاتىسىپ, ەرىن ۇمىتپاعان ەلىنە جۇرەكجاردى العىسىن ءبىلدىردى.
شاراعا قاتىسۋشىلاردىڭ جوو ستۋدەنتتەرى مەن قالانىڭ جالپى ءبىلىم بەرەتىن مەكتەپ وقۋشىلارىمەن كەزدەسۋلەرى دە جوسپارلانعان ەكەن. شارا اياسىندا 9 جالپى ءبىلىم بەرەتىن مەكتەپ, 2 جوو مەن 1 كوللەدجدە كەزدەسۋلەر ۇيىمداستىرىلىپ, ءتۇرلى ءىس-شارالار قولعا الىنعان.
ءبىر ۋاقىتتا بىرنەشە وقۋ وشاقتارىندا ۇيىمداستىرىلعان شارالاردىڭ ءبىرى جامبىل اتىنداعى №5 مەكتەپ-گيمنازياسىندا ءوتتى. ءدال وسى مەكتەپتە عازيز بايتاسوۆتىڭ ۇلكەن ۇلى ارمانجان 8-سىنىپتا وقيدى ەكەن.
شاراعا قاتىسقان 21 جىگىتتىڭ ىشىندە «ەرلىگى ءۇشىن» مەدالى جانە «قازاقستان پاتريوتى» توسبەلگىسىمەن شوقتىعى بيىك رۇستەمدى سوزگە تارتقانىمىزدا ول: «شىنىمدى ايتسام, ورتپەن ارپالىسىپ جۇرگەندە «ەرلىك جاساپ, ەرتەڭ مەدال الامىن» دەگەن وي باسىڭا كەلمەيدى عوي. ونى ويلايتىن ۋاقىتىڭ دا, مۇمكىندىگىڭ دە جوق. كوز الدىڭدا ادام اجالمەن بەتپە-بەت تۇرعاندا قولىڭنان كەلگەندى جاساپ قالۋعا مەنىڭ ورنىمدا بولعان كەز كەلگەن ادام ۇمتىلار ەدى. ءوز باسىم سولاي ويلايمىن. بۇگىنگى اكتسياعا ەلىمىزدىڭ تۇكپىر-تۇكپىرىنەن 21 ءتارتىپ ساقشىسى جينالدى. ارقايسىسىنىڭ ءوز ەرلىگى بار, ءار جىگىتتىڭ قازاقستاندىق پوليتسيانىڭ ابىروي-بەدەلىن كوتەرۋگە قوسقان ءوز ۇلەسى بار. ولاردى بۇگىنگى كۇننىڭ قاھارماندارى دەپ ۇيالماي ايتۋعا بولادى», – دەدى.
ارينە, مۇنداي مىسالداردى كوپتەپ كەلتىرۋگە بولادى. اكتسياعا ارنايى كەلگەن 21 پوليتسيا قىزمەتكەرىنىڭ 21 ءتۇرلى وقيعاسى وسىنداي باتىلدىققا, جىگەر مەن قۇرمەتكە تولى.
رەسپۋبليكالىق شارانىڭ ەكىنشى كۇنى جامبىل وبلىستىق ءىىد الاڭىندا ورنالاسقان حالىق قاھارمانى عازيز بايتاسوۆتىڭ بيۋستىنە جانە داڭق ەسكەرتكىشىنە گۇل شوقتارىن قويۋمەن اشىلدى. بۇل شاراعا ىشكى ىستەر ءمينيسترىنىڭ ءبىرىنشى ورىنباسارى, پوليتسيا گەنەرال-مايورى مارات دەمەۋوۆ پەن وبلىس اكىمى قانات بوزىمباەۆ قاتىستى.
ەگەمەندى ەلىمىزدىڭ تاريحىندا, ونىڭ ىشىندە, ەل تىنىشتىعىنىڭ الدىڭعى قاتارىندا تۇرعان قازاقستاندىق پوليتسيا جىلناماسىندا ناعىز ەرلىك پەن باتىرلىقتىڭ مىسالى از ەمەس. وكىنىشكە قاراي, ولاردىڭ اراسىندا قىزمەتتىك مىندەتتەرىن اتقارۋ كەزىندە كوز جۇمعان, بەيبىت حالىقتىڭ تىنىشتىعىن كۇزەتەمىن دەپ جانىن قيعان وعىلاندار دا بار. ەتەك-جەڭىمىزدى جيىپ, ءوز الدىمىزعا ەل بولعان تاۋەلسىزدىك جىلدارى قىزمەت بابىندا ءجۇرىپ شەيىت بولعان ءتارتىپ ساقشىلارىنىڭ قارالى ءتىزىمى 710-عا جەتىپتى. ونىڭ ىشىندە, 21-ءى ىشكى ىستەر مينيسترلىگىنىڭ ىشكى اسكەر ساربازى. ارينە, حالىق ءوز باتىرىن ەشقاشان ۇمىت قالدىرعان ەمەس. ناعىز ەرلەرىن باتىرىم دەپ باسىنا كوتەرىپ, بارىن الدىنا توساتىن حالىقتىڭ ۇرپاعىمىز عوي. ەرلىك ەلەۋسىز قالمادى, باعالاندى. بۇگىنگى تاڭعا دەيىن ىشكى ىستەر ورگاندارى مەن ىشكى اسكەردىڭ 877 قىزمەتكەرى قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالسا, وكىنىشكە قاراي, تاعدىر قيىندىعى كوپ, جاۋاپكەرشىلىگى مول قىزمەتتە ۇزىلگەن 90 ساقشى بۇل ماراپاتقا قازا بولعاننان كەيىن ۇسىنىلعان. سول سەبەپتى دە تارازدا باستاۋ العان بۇل شارانى وسى قىزمەتتىڭ قيىندىعىنا ءتوزىپ, اۋىرتپالىعىن ارقالاپ كەلە جاتقان بۇگىنگى كۇننىڭ باتىرلارىنا جاسالعان قۇرمەت, نامىس تۋىن جىقپاعان ەرلىكتەرىنە بەرىلگەن باعا دەپ بىلگەن ءجون.
بانۋ راحىمبايقىزى,
جۋرناليست.
جامبىل وبلىسى.
سۋرەتتى تۇسىرگەن اۆتور.