دەنساۋلىق ساقتاۋ ۆيتسە-ءمينيسترى اجار عينيات ورتالىق كوممۋنيكاتسيالار قىزمەتىندە وتكەن بريفينگتە جاڭا ينفەكتسيالىق اۋرۋحانالار مەن زەرتحانالار ىسكە قوسىلاتىنىن ايتتى, دەپ حابارلايدى Egemen.kz.
"وڭىرلەردەگى ەپيدەميالىق جاعدايلاردى ەسكەرە وتىرىپ, 12 ءوڭىردىڭ نۇر-سۇلتان, الماتى, سقو, بقو, اقمولا, ماڭعىستاۋ, الماتى, پاۆلودار, قوستاناي, شقو, قاراعاندى, جامبىل وبلىستارىنىڭ اكىمدىكتەرى كارانتين شارالارىن كۇشەيتۋ تۋرالى شەشىم قابىلدادى. پتر-تەست تاپسىرعاندار قاتارىنىڭ كوبەيۋىنە بايلانىستى كۆي-عا شالدىققانداردىڭ دا سانى ارتۋدا. قازىر زەرتحانالار تاۋلىگىنە 55 مىڭعا جۋىق تەست جاساي الادى. ەلىمىزدە 13 355 ينفەكتسيالىق توسەك-ورىن بار. ونىڭ 16%-ى (2 مىڭنان استام) ناۋقاس جاتىر. 6 841 كارانتيندىك توسەك-ورىن دايىنداپ قويدىق. ونىڭ 8%-دا (600-دەي) عانا ناۋقاس بار. قوسىمشا 3 335 كەرەۋەتتەر جاڭا ينفەكتسيالىق اۋرۋحانالاردا ىسكە قوسىلاتىن بولادى", دەدى اجار عينيات.
ونىڭ ايتۋىنشا, 23 قازانعا دەيىن وڭىرلەرگە 100 جىلجىمالى كەشەندەر جەتكىزىلەدى. سونىڭ ىشىندە قازىرگى تاڭدا 25 جىلجىمالى كەشەندەر وڭىرلەرگە جەتكىزىلدى. ولاردىڭ ىشىندە لابوراتوريالىق, رەنتگەن اپپاراتتارى بار. كادرلار بۇكىل اۋىل-ايماقتاردى ارالاپ, مەديتسينالىق كومەك كورسەتىلەتىن بولادى.