مەملەكەت باسشىسى ەل ازاماتتارىنىڭ قاۋىپسىزدىگى ءۇشىن قىزمەت ەتەتىن توتەنشە جاعدايلار مينيسترلىگىنىڭ جاراقتالۋىنا ەرەكشە كوڭىل بولەدى. جىل سايىن قىزمەتتەردىڭ تەحنيكالىق جابدىقتالۋ دەڭگەيى, قىزمەتكەرلەردىڭ كاسىبيلىگى وسۋدە, ءىس-ارەكەتتەردىڭ جەدەلدىگى مەن ۇيلەسىمدىلىگى ارتۋدا. ازاماتتىق قورعانىس جانە توتەنشە جاعدايلاردان قورعاۋ سالاسىندا وقىتۋ ءۇشىن قازىرگى زامانعى تەحنولوگيا قولدانىلادى. حالىقتى اقپاراتتاندىرۋ جانە حاباردار ەتۋ ادىستەرى جەتىلدىرىلۋدە.
مەملەكەت باسشىسى ەل ازاماتتارىنىڭ قاۋىپسىزدىگى ءۇشىن قىزمەت ەتەتىن توتەنشە جاعدايلار مينيسترلىگىنىڭ جاراقتالۋىنا ەرەكشە كوڭىل بولەدى. جىل سايىن قىزمەتتەردىڭ تەحنيكالىق جابدىقتالۋ دەڭگەيى, قىزمەتكەرلەردىڭ كاسىبيلىگى وسۋدە, ءىس-ارەكەتتەردىڭ جەدەلدىگى مەن ۇيلەسىمدىلىگى ارتۋدا. ازاماتتىق قورعانىس جانە توتەنشە جاعدايلاردان قورعاۋ سالاسىندا وقىتۋ ءۇشىن قازىرگى زامانعى تەحنولوگيا قولدانىلادى. حالىقتى اقپاراتتاندىرۋ جانە حاباردار ەتۋ ادىستەرى جەتىلدىرىلۋدە.
وتكەن جىلدىڭ وسى مەرزىمىمەن سالىستىرعاندا 2013 جىلعى 10 ايدىڭ قورىتىندىسى بويىنشا توتەنشە جاعدايلاردىڭ سانىن 17,3 پايىزعا, وسى توتەنشە جاعدايلاردان ادامداردىڭ قازا بولۋىن 12 پايىزعا, ادامداردىڭ زارداپ شەگۋىن 15 پايىزعا ازايتۋعا قول جەتكىزىلدى.
شۇعىل دەن قويۋ قىزمەتتەرىنىڭ ۇيلەسىمدى جانە جەدەل ءىس-ارەكەتتەرى وقۋ-جاتتىعۋلار بارىسىندا تۇراقتى تۇردە پىسىقتالادى. توتەنشە جاعدايلار جونىندەگى ۆەدومستۆوارالىق مەملەكەتتىك كوميسسيا وتىرىستارى وتكىزىلەدى, وبلىستار, استانا جانە الماتى قالالارى اكىمدىكتەرى باسشىلىعىمەن جەرگىلىكتى توتەنشە جاعدايلار جونىندەگى كوميسسيالار جۇمىس ىستەيدى.
مەملەكەت باسشىسى مەن ۇكىمەتتىڭ تاپسىرماسى بويىنشا مينيسترلىك شەتەلدەردە ورىن العان ءىرى اۋقىمدى دۇلەي ءزىلزالالاردان زارداپ شەككەندەرگە گۋمانيتارلىق جاعىنان جاردەمدەسۋدە. اۋعانستان يسلام رەسپۋبليكاسىنا, گۆاتەماللا رەسپۋبليكاسىنا, ليۆان رەسپۋبليكاسىنا, شري-لانكا رەسپۋبليكاسىنا جالپى سوماسى 978 مىڭ اقش دوللارىنىڭ گۋمانيتارلىق كومەگى كورسەتىلدى.
توتەنشە جاعدايدىڭ بارلىق جۇيەسى ءۇشىن اسا ماڭىزدى وقيعالاردىڭ ءبىرى, بۇل – «ازاماتتىق قورعاۋ تۋرالى» شوعىرلاندىرىلعان زاڭ جوباسىنىڭ ءبىرىنشى وقىلىمدا ماقۇلدانۋى.
اتالمىش زاڭ جوباسىندا توتەنشە جاعدايلاردىڭ الدىن الۋ ماسەلەسى ءبىرىنشى ورىندا تۇر. وندا ۇلكەن ەكونوميكالىق شىعىنى بار تابيعي كۇتپەگەن قۇبىلىستاردىڭ ءوسۋى, ەلدىڭ ايتارلىقتاي اۋماعىنىڭ سەيسميكالىق قاۋىپتى ايماقتا ورنالاسۋى, قازاقستاننىڭ ونەركاسىپتىك الەۋەتىنىڭ, ونىڭ ىشىندە قاۋىپتى تەحنولوگيالارى بار وندىرىستەر ەسەبىنەن ءوسۋى قامتىلدى. سونداي-اق, زاڭ جوباسى توتەنشە جاعدايلاردىڭ الدىن الۋ جانە ولاردى جويۋ, ازاماتتىق قورعانىس, ونەركاسىپتىك جانە ءورت قاۋىپسىزدىگى, مەملەكەتتىك ماتەريالدىق رەزەرۆتەر, اپاتتار مەديتسيناسى سالاسىندا مەملەكەتتىك ساياساتتى ىسكە اسىرۋدىڭ قۇقىقتىق تەتىكتەرىن رەتكە كەلتىرەدى.
زاڭ جوباسىنىڭ نەگىزگى ماقساتى قازاقستاندا ازاماتتىق قورعاۋدى باسقارۋدىڭ بىرىڭعاي جۇيەسىن قۇرۋ بولىپ تابىلادى.
مەملەكەت باسشىسىنىڭ تاپسىرماسى بويىنشا تابيعي ءزىلزالالاردان ساقتاندىرۋ جۇيەسىندە جاڭا تاسىلدەر ازىرلەنىپ جاتىر.
سونداي-اق, بيزنەسكە اكىمشىلىك قىسىم كورسەتۋشىلىكتى ايتارلىقتاي ازايتۋ, رۇقسات بەرۋ قۇجاتتارىنىڭ سانىن, جوسپارلى جانە جوسپاردان تىس تەكسەرۋلەردى ازايتۋ, باعدارلامالىق ونىمدەردى ەنگىزۋ ارقىلى حالىققا قىزمەت كورسەتۋ بويىنشا جۇمىس جالعاسۋدا.
قازىرگى ۋاقىتتا تجم بەرەتىن 199 رۇقسات بەرۋ قۇجاتتارى 168-گە ازايدى, 5 ءراسىم حاباردار ەتۋ سيپاتىنا كوشىرىلدى. ۇكىمەتتىڭ تاپسىرماسىنا سايكەس تجم-ءنىڭ 6 مەملەكەتتىك قىزمەتى ء(ورت جانە ونەركاسىپتىك قاۋىپسىزدىك سالاسىندا) حالىققا قىزمەت كورسەتۋ ورتالىعى ارقىلى كورسەتىلەدى.
سونىمەن قاتار, ءورت جانە ونەركاسىپتىك قاۋىپسىزدىك سالاسى بويىنشا تەكسەرىس سانىن ازايتۋعا مۇمكىندىك بەرەتىن قاۋىپ-قاتەرلەردى باسقارۋ جۇيەسى ەنگىزىلۋدە. سونىڭ ناتيجەسىندە ءورت قاۋىپسىزدىگى سالاسىندا جۇرگىزىلگەن تەكسەرۋلەردىڭ سانى وتكەن جىلدىڭ ۇقساس كەزەڭىمەن سالىستىرعاندا 48 پايىزعا, ونەركاسىپتىك قاۋىپسىزدىك سالاسىندا 2 ەسە ازايدى.
مەملەكەت باسشىسى مەن ۇكىمەتتىڭ حالىق قونىستانعان اۋماقتارداعى ءورت قاۋىپسىزدىگىن قامتاماسىز ەتۋ ماسەلەلەرىن تۇراقتى نازاردا ۇستاپ, ولاردىڭ كەشەندى شەشىمىنە كورسەتكەن قولداۋلارى ارقاسىندا ءورت ءسوندىرۋ دەپولارى سالىنۋدا. وسى جىلعى قازاندا الماتى جانە تاراز قالالارىندا ۇلگى جوبا بويىنشا سالىنعان, اربىرەۋىنىڭ قۇنى 900 ميلليوننان استام تەڭگە تۇراتىن 6 ءورت ءسوندىرۋ دەپوسى پايدالانۋعا بەرىلدى.
مۇددەلى مەملەكەتتىك ورگاندارمەن بىرگە «قازاقستان رەسپۋبليكاسىنىڭ حالقى مەن مەملەكەتتىك ورگاندارىن حاباردار ەتۋ جۇيەسىن جاڭارتۋ» جوباسى ازىرلەندى.
وسى جىلى «كسەلل» اق, «كار-تەل» جشس, «موبايل تەلەكوم سەرۆيس» جشس, «التەل» اق سەكىلدى ۇيالى بايلانىستىڭ جەتەكشى وپەراتورلارىمەن حالىقتى سمس-حابارلاما ارقىلى تۋىنداعان توتەنشە جاعدايلار تۋرالى حاباردار ەتۋ جونىندەگى بىرىڭعاي كەلىسىمگە قول قويىلدى. ەلدىڭ بارلىق اۋماعىندا «112» بىرىڭعاي قۇتقارۋ تەلەفون ءنومىرى ەنگىزىلدى.
ەلباسى ءوزىنىڭ قازاقستان حالقىنا جولداۋىندا كۇشتى الەۋمەتتىك ساياسات قانا قوعامدىق تۇراقتىلىق پەن كەلىسىمدى قامتاماسىز ەتەتىنىن اتاپ ءوتتى. مينيسترلىكتىڭ توتەنشە جاعدايلارداعى شۇعىل مەديتسينالىق قىزمەت جۇيەسىندە جۇرگىزگەن تۇبەگەيلى وزگەرتۋلەرى كوزگە كورىنەر الەۋمەتتىك سەرپىن بەردى. ەل اۋماعىندا «دەنساۋلىق پويىزدارى» ءوز جۇمىسىن جالعاستىرۋدا. ادامدار تۋعان اۋىلدارىنان شىقپاي-اق جوعارى بىلىكتى مامانداردىڭ (ونىڭ ىشىندە تەلەمەديتسينا مۇمكىندىكتەرىن پايدالانۋ ارقىلى) ءبىرىنشى سىنىپتىق مەديتسينالىق كومەگىن الۋدا. دارىگەرلەردى حالىق قۇرمەتتەپ, ولارعا سەنىم ارتۋدا. 2013 جىلعى 10 ايدا ءۇش مەديتسينالىق پويىز بارلىق وبلىستاردىڭ 276 شالعاي جاتقان بەكەتتەرىندە تۇراتىن 62754 تۇرعىندى تەكسەرۋدەن وتكىزدى. 275766 دياگنوستيكالىق ەمشارا جۇرگىزىلدى, 653 شاعىن امبۋلاتوريالىق وتا جاسالدى.
بۇگىنگى كۇنى رەسپۋبليكانىڭ 5 وبلىسىندا رەسپۋبليكالىق اۆتوجولداردىڭ اسا قاۋىپتى 12 تەلىمىندە كۇرە جولدىق مەديتسينالىق-قۇتقارۋ پۋنكتتەرى تابىستى قىزمەت كورسەتۋدە. ولار جول-كولىك وقيعالارى بولعان كەزدە زارداپ شەككەن ادامدارعا «قاۋىرت ۋاقىت» ىشىندە كومەككە كەلەدى. جىل باسىنان باستاپ ولار 576 رەت جولعا شىقتى, 1661 زارداپ شەككەن ادامعا, ونىڭ ىشىندە 91 بالاعا مەديتسينالىق كومەك كورسەتتى, ونىڭ 554-ءى گوسپيتالعا جاتقىزىلدى.
اعىمداعى جىلى اقتوبە, الماتى, شىعىس قازاقستان, جامبىل, باتىس قازاقستان, قاراعاندى, پاۆلودار, قىزىلوردا جانە اتىراۋ وبلىستارىندا تاعى وسىنداي 14 پۋنكت سالىنادى.
قازاقستان رەسپۋبليكاسى دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىن ىسكە اسىرۋ شەڭبەرىندە تىكۇشاقتارعا تەحنيكالىق قىزمەت كورسەتۋگە ارنالعان جەرۇستى جابدىقتارى بار ون ەس-145 تىكۇشاعى مەن ەكى كا-32ا11ۆس تىكۇشاعى ساتىپ الىندى. اعىمداعى جىلدىڭ سوڭىنا دەيىن تاعى ءتورت ەس-145 تىكۇشاعى ساتىپ الىنادى.
وتكەن كەزەڭدە قر تجم سانيتارلىق اۆياتسياسى 218 رەت كوككە كوتەرىلىپ, جەتۋى قيىن جانە شالعاي جاتقان جەرلەردە زىلزالاعا تاپ بولعان 403 ادامدى قۇتقاردى.
مەملەكەت باسشىسىنىڭ «قازاقستان-2050» ستراتەگياسى» اتتى قازاقستان حالقىنا جولداۋىن ىسكە اسىرۋ اياسىنداعى تجم-ءنىڭ جۇمىس ناتيجەلەرى وسىنداي.
جانبولات سمايلوۆ,
توتەنشە جاعدايلار ۆيتسە-ءمينيسترى.