ۇكىمەتتىڭ كەڭەيتىلگەن وتىرىسىندا بەرىلگەن پرەزيدەنت تاپسىرمالارىنىڭ ورىندالۋ بارىسىن تالقىلاۋ كەشە ورتالىق كوممۋنيكاتسيالار قىزمەتىندە ءوز جالعاسىن تاپتى. بريفينگكە وڭىرلىك دامۋ ءمينيسترى بولات جامىشەۆ جانە ونىڭ ورىنباسارلارى قايىربەك وسكەنباەۆ, سەرىك نوكين جانە سەرىك جۇمانعارين قاتىستى.
ۇكىمەتتىڭ كەڭەيتىلگەن وتىرىسىندا بەرىلگەن پرەزيدەنت تاپسىرمالارىنىڭ ورىندالۋ بارىسىن تالقىلاۋ كەشە ورتالىق كوممۋنيكاتسيالار قىزمەتىندە ءوز جالعاسىن تاپتى. بريفينگكە وڭىرلىك دامۋ ءمينيسترى بولات جامىشەۆ جانە ونىڭ ورىنباسارلارى قايىربەك وسكەنباەۆ, سەرىك نوكين جانە سەرىك جۇمانعارين قاتىستى.
ەلباسى كەڭەيتىلگەن وتىرىستا وڭىرلىك دامۋعا باسا نازار اۋدارىپ, سالاداعى شەشىلمەي جاتقان كەيبىر ماسەلەلەرگە قاتىستىسىن-ەسكەرتپەلەر ايتقان بولاتىن. وسىعان وراي وڭىرلىك دامۋ مينيسترلىگى بۇگىندە قانداي ءىس-شارالار اتقارىپ جاتىر؟ بەرىلگەن تاپسىرمالار قالاي ورىندالۋدا؟ قانداي ناقتى جۇمىستار قولعا الىندى؟ ءباسپاسوز ءماسليحاتىندا وسى ماسەلەلەر تالقىلاندى.
ب.جامىشەۆ ءوز سوزىندە مەملەكەت باسشىسىنىڭ تاپسىرمالارىن ورىنداۋ جونىندەگى ءىس-شارالاردىڭ جوسپارىنا سايكەس وڭىرلىك دامۋ مينيسترلىگىنە 12 تاپسىرما مىندەتتەلگەنىن اتاپ ءوتتى. سونىڭ ەڭ ماڭىزدىلارىنىڭ ءبىرى – جوبالاۋ ۇيىمدارىنىڭ جۇمىستارىنا تالداۋ جۇرگىزۋ. وسىعان وراي كەڭەيتىلگەن وتىرىستان كەيىن مينيسترلىك جوبالاۋ ۇيىمدارىنىڭ جۇمىستارىنا ارنايى تالداۋ جۇرگىزىپتى. اتاپ ايتقاندا, اعىمداعى جىلدىڭ 9 ايىندا 567 جوبالاۋ ۇيىمى تەكسەرىلگەن. تەكسەرۋلەردىڭ قورىتىندىسى بويىنشا 5 ۇيىم ليتسەنزياسىنان ايىرىلسا, 112 ۇيىمنىڭ ليتسەنزيالارى ۋاقىتشا توقتاتىلىپ, قازىر تەكسەرۋ امالدارى جۇرگىزىلۋدە. سونداي-اق, ءبىر مەكەمە بويىنشا ماتەريالدار سوتقا بەرىلگەن. وعان قوسا, 282 جوبالاۋشى مەكەمەگە قاتىستى اكىمشىلىك شارالار قابىلدانىپ, 17 ملن. تەڭگە سوماسىندا ايىپپۇل سالىنعان.
«جوبالاۋ كومپانيالارى مەن اففيليرلەنگەن تۇلعالارعا قاتىستى تەكسەرۋدى وڭىرلىك دامۋ مينيسترلىگى مەن «مەملەكەتتىك ساراپتاۋ» رەسپۋبليكالىق مەملەكەتتىك كاسىپورنى جۇرگىزىپ جاتىر», دەدى ب.جامىشەۆ. سونداي-اق, ول قۇرىلىس جۇمىستارىنىڭ قۇنى 47,7 ملرد. تەڭگەگە ۇلعايعان 55 جوباعا تالداۋ جۇرگىزىلگەنىن ايتىپ ءوتتى. ناتيجەسىندە جوبالاۋلاردىڭ قىمباتتاۋىنا تاپسىرىس بەرۋشىنىڭ جوبا شەشىمدەرىنە وزگەرتۋلەر ەنگىزۋى, قۇرىلىستىڭ باستالۋ مەرزىمىنىڭ اۋىستىرىلۋى جانە قارجىلاندىرۋدىڭ ءوز ۋاقىتىندا جۇرگىزىلمەۋى, ينجەنەرلىك جەلىلەرگە قوسۋ شارتتارىنىڭ وزگەرۋى, ماتەريالدار مەن جابدىقتاردىڭ قىمباتتاۋى, ينفلياتسيالىق ۇدەرىستەردىڭ تۋىنداۋى سياقتى فاكتىلەر سەبەپ بولىپ وتىرعانى انىقتالعان. «بۇل جوبالاردىڭ شيكiلiگiن كورسەتۋدە. وسىعان بايلانىستى وزگەرiستەر ەنگiزiلەدi جانە قۇرىلىستاعى تيپتiك جوبالار ماسەلەسىنە دە نازار اۋداراتىن بولامىز. بۇل جوبا قۇنىنىڭ ءوسۋىن شەكتەيدى», دەدi مينيستر. ول سونداي-اق, الداعى كەزەڭدە مينيسترلىك قۇرىلىستىڭ جوبالىق قۇنىنىڭ ارتۋ سەبەپتەرiن تiركەۋمەن عانا شەكتەلمەي, الدىن الا قاراستىرىلعان ناقتى جۇمىستاردىڭ جۇرگiزiلەتiندiگiن دە تiلگە تيەك ەتتi. ءمينيستردىڭ اتاپ وتۋىنشە, ەندىگى ۋاقىتتا تاپسىرىس بەرۋشىنىڭ جوبالىق شەشىمگە وزگەرتۋ ەنگىزۋىنە توسقاۋىل قويىلاتىن بولادى. «بۇل اكىمشىلىك شارا بولادى. دەگەنمەن, وعان ەكونوميكالىق بازانى نەگىزدەۋ ءۇشىن ءبىز جوبالاردى تيپتىك جوبالار ارقىلى سالۋدى تالاپ ەتەمىز. ءبىز بۇل جۇمىستاردى ەندى عانا باستادىق. سوندىقتان, 2014 جىلى ءبىز بارلىعىن بىردەي جابا المايمىز. ەگەر جوبا بيۋدجەتكە ەنگىزىلسە, وندا ءبىز ولاردىڭ قۇنىن قارايتىن بولامىز», دەدى مينيستر.
ءباسپاسوز ءماسليحاتىندا ءوڭىرلىك دامۋ مينيسترلىگى باسشىلارىنا جۋرناليستەر تاراپىنان «قولجەتىمدى باسپانا», «بيزنەستىڭ جول كارتاسى» باعدارلامالارىنىڭ وڭىرلەردەگى جۇزەگە اسىرىلۋ بارىسى, شاعىن قالالاردىڭ احۋالى, جەر تەلىمدەرىن بولۋگە قاتىستى دا كوكەيكەستى سۇراقتار قويىلدى. مينيسترلىك باسشىلارى ساۋالدارعا جاۋاپ بەرە وتىرىپ, وڭىرلىك دامۋدىڭ الداعى ۋاقىتتا ىلگەرىلەي تۇسەتىنىنە سەندىردى. ەڭ باستىسى پرەزيدەنت تاپسىرمالارىنىڭ ورىندالاتىندىعىن جەتكىزدى.
دينارا بىتىكوۆا,
«ەگەمەن قازاقستان».