پرەزيدەنت جانىنداعى مەملەكەتتىك باسقارۋ اكادەمياسىندا "ا" كورپۋسىنىڭ مەملەكەتتىك قىزمەتشىلەرىن قايتا دايارلاۋ كۋرستارى باستالدى, دەپ حابارلايدى Egemen.kz.
قر مقىا توراعاسى انار جايلگانوۆا بۇگىن قر پرەزيدەنتى جانىنداعى مەملەكەتتىك باسقارۋ اكادەمياسىندا «ا» كورپۋسىنىڭ مەملەكەتتىك قىزمەتشىلەرىنە ارنالعان قايتا دايارلاۋ كۋرستارىنىڭ اشىلۋىندا ءسوز سويلەپ, اتالعان كۋرس قر تۇڭعىش پرەزيدەنتى – ەلباسى ن.ءا. نازارباەۆتىڭ قوعام قاجەتتىلىكتەرىنە باعىتتالعان زاماناۋي مەملەكەتتىك اپپاراتتىڭ تالاپتارىنا جاۋاپ بەرەتىن باسشىلاردى دايارلاۋ تۋرالى تاپسىرماسىن ىسكە اسىرۋ ماقساتىندا جۇرگىزىلىپ جاتقانىن اتاپ ءوتتى.
كۋرستى مەملەكەتتىك باسقارۋ اكادەمياسى مەن نازارباەۆ ۋنيۆەرسيتەتى ۇيىمداستىرىپ وتىر.
«ا» كورپۋسى - بۇل ساياسي باسشىلىق پەن ورىنداۋشىلىق بۋىن اراسىنداعى ءوزارا بايلانىستى قامتاماسىز ەتۋگە ارنالعان كاسىبي باسقارۋشىلىق بۋىن.
باعدارلاماعا قاتىسۋشىلار - مەملەكەتتىك باسقارۋ, كادر ساياساتى, شەشىم قابىلداۋ جۇيەسى تاسىلدەرىن جانە باسقا دا بىرقاتار باسىم ماسەلەلەردى وزگەرتۋ بويىنشا الدىنا ماڭىزدى مىندەتتەر قويىلعان تاجىريبەلى, قالىپتاسقان ءىرى قۇرىلىمداردىڭ باسشىلارى.
ۆەدومستۆو باسشىسى انار جايلعانوۆا ەلىمىزدىڭ تۇڭعىش پرەزيدەنتى – ەلباسى ن.ءا.نازارباەۆتىڭ «ساياسي كوشباسشىلار ساياساتتى قالىپتاستىرادى, كاسىبي مەملەكەتتىك قىزمەتكەرلەر ونىڭ ورىندالۋىن قامتاماسىز ەتەدى»-دەگەن ءسوزىن اتاپ ءوتتى.
ستراتەگيالىق كوشباسشىلىق, وزگەرىستەردى باسقارۋ جانە ءتيىمدى كوممۋنيكاتسيالار سياقتى قۇزىرەتتەر پرەزيدەنت ق.ك. توقاەۆتىڭ اعىمداعى جىلعى 1 قىركۇيەكتەگى جولداۋىندا قويىلعان مىندەتتەردى جەدەل جانە ساپالى شەشۋ قاجەتتىلىگى - ەكونوميكالىق ءوسۋ قارقىنىن قالپىنا كەلتىرۋ, حالىقتىڭ ءومىر ءسۇرۋ ساپاسىن جاقسارتۋ قاجەتتىلىگى جانە مەملەكەتتىك ورگاندار قىزمەتىنىڭ تيىمدىلىگىن تۇبەگەيلى ارتتىرۋ جاعدايىندا وتە وزەكتى.
«مەملەكەتتىك باسقارۋ مەن قوعامدىق دامۋداعى جۇيەلى وزگەرىستەردىڭ قازىرگى زامانعى ترەندتەرى مەن جوعارى قارقىنى ەلدىڭ ستراتەگيالىق مىندەتتەرىن ءتيىمدى شەشۋ ءۇشىن يننوۆاتسيالىق جانە ينكليۋزيۆتى ويلاۋ قابىلەتى بار باسشىلاردىڭ جاڭا بۋىنىن قالىپتاستىرۋدى تالاپ ەتەدى», - دەپ قورىتىندىلادى انار جايلعانوۆا.