ماسكەۋدە رەسەي فەدەراتسياسى فەدەرالدىق جينالىسىنىڭ كونستيتۋتسيا قابىلداعانىنا 20 جىل تولۋىنا وراي ەكىنشى حالىقارالىق پارلامەنتتىك فورۋمى باستالدى. وعان قازاقستان تاراپىنان ءماجىلىستىڭ ۆيتسە-سپيكەرى سەرگەي دياچەنكو قاتىسۋدا.
ماسكەۋدە رەسەي فەدەراتسياسى فەدەرالدىق جينالىسىنىڭ كونستيتۋتسيا قابىلداعانىنا 20 جىل تولۋىنا وراي ەكىنشى حالىقارالىق پارلامەنتتىك فورۋمى باستالدى. وعان قازاقستان تاراپىنان ءماجىلىستىڭ ۆيتسە-سپيكەرى سەرگەي دياچەنكو قاتىسۋدا.
شارانى ۇيىمداستىرۋشى – رەسەي فەدەراتسياسى مەملەكەتتىك دۋماسى مەن رەسەي سىرتقى ىستەر مينيسترلىگى جانە رەسەي تاريحى قوعامى.
«كونستيتۋتسيا. دەموكراتيا. پارلامەنتاريزم». باستالعان فورۋمنىڭ جالپى تاقىرىبى وسىلاي اتالىپ, پارلامەنتاريزم دامۋىنىڭ كەلەشەگىن تالقىلاۋ ءۇشىن سەكتسيالىق وتىرىستار قاراستىرىلعان.
س.دياچەنكو جالپى وتىرىستا ءسوز الىپ, قازاقستانداعى پارلامەنتاريزمنىڭ بۇگىنگى دامۋ بەلەستەرى جايىندا ايتىپ بەردى.
سەكتسيالار: «پارلامەنت, دەموكراتيالىق قۇندىلىق پەن قوعامدىق كوزقاراستار»; «ساياسي جانە سايلاۋ جۇيەلەرىن دامىتۋ: حالىقارالىق تاجىريبە», «كونستيتۋتسيالىق رەفورمالاردىڭ رەسەيلىك تاجىريبەسى»; جانە «عالامداعى پارلامەنتتىك ديپلوماتيا» دەگەن ءارتۇرلى تاقىرىپتاردان تۇرادى.
ءماجىلىستىڭ ۆيتسە-سپيكەرى باسقا ەلدەردەن كەلگەن ارىپتەستەرىمەن دە ەكىجاقتى كەزدەسۋلەر وتكىزدى, دەپ حابارلادى ءماجىلىستىڭ ءباسپاسوز قىزمەتى.