استانانىڭ بەيبىتشىلىك جانە كەلىسىم سارايىندا سانكت-پەتەربۋرگ قالاسىنىڭ استاناداعى كۇندەرىنە كەلگەن رەسەي مەملەكەتتىك ورىس وركەسترىنىڭ ورىنداۋىندا كونتسەرت بولدى.
ونى استانا قالاسىنىڭ اكىمى يمانعالي تاسماعامبەتوۆ پەن سانكت-پەتەربۋرگ قالاسىنىڭ گۋبەرناتورى گەورگي پولتاۆچەنكو قۇتتىقتاۋ سوزدەرمەن اشتى. كونتسەرتكە كەلگەن استانالىقتار مەن قوناقتارعا سالەم جولداعان يمانعالي نۇرعالي ۇلى كونتسەرتتىڭ الدىندا استانا مەن سانكت-پەتەربۋرگ قالالارىنىڭ اراسىندا ەكى جىلعا ارنالعان ىنتىماقتاستىق تۋرالى كەلىسىمگە قول قويىلعانىن جەتكىزدى. بۇل كەلىسىم قالا قۇرىلىسى, كوممۋنالدىق شارۋاشىلىق, كاسىپكەرلىك, تۋريزم, تاعى باسقا بىرقاتار سالانى قامتيدى.
استانانىڭ بەيبىتشىلىك جانە كەلىسىم سارايىندا سانكت-پەتەربۋرگ قالاسىنىڭ استاناداعى كۇندەرىنە كەلگەن رەسەي مەملەكەتتىك ورىس وركەسترىنىڭ ورىنداۋىندا كونتسەرت بولدى.
ونى استانا قالاسىنىڭ اكىمى يمانعالي تاسماعامبەتوۆ پەن سانكت-پەتەربۋرگ قالاسىنىڭ گۋبەرناتورى گەورگي پولتاۆچەنكو قۇتتىقتاۋ سوزدەرمەن اشتى. كونتسەرتكە كەلگەن استانالىقتار مەن قوناقتارعا سالەم جولداعان يمانعالي نۇرعالي ۇلى كونتسەرتتىڭ الدىندا استانا مەن سانكت-پەتەربۋرگ قالالارىنىڭ اراسىندا ەكى جىلعا ارنالعان ىنتىماقتاستىق تۋرالى كەلىسىمگە قول قويىلعانىن جەتكىزدى. بۇل كەلىسىم قالا قۇرىلىسى, كوممۋنالدىق شارۋاشىلىق, كاسىپكەرلىك, تۋريزم, تاعى باسقا بىرقاتار سالانى قامتيدى.
كەدەن وداعىنىڭ قۇرىلۋىمەن ارتا تۇسكەن ساۋدا-ەكونوميكالىق كورسەتكىشتەر ۇستىمىزدەگى جىلدىڭ 8 ايىندا 15,2 ملرد. دوللارعا جەتىپ وتىر. بۇگىنگى كۇنى قازاقستاندا رەسەيلىك كاپيتالدىڭ قاتىسۋىمەن قۇرىلعان 4 مىڭنان ارتىق كاسىپورىن جۇمىس ىستەيدى, دەي كەلىپ, ي.تاسماعامبەتوۆ ىنتىماقتاستىقتىڭ ۇلكەن بولىگى مادەني-گۋمانيتارلىق سالانى قامتيتىنىن ايتتى. وسى ورايدا, ءبىز رەسەيدىڭ مادەني استاناسى – سانكت-پەتەربۋرگپەن اراداعى ارىپتەستىكتىڭ ۇلعايا تۇسكەنىنە قۋانامىز. بۇگىن سىزدەردىڭ الدارىڭىزدا ونەر كورسەتكەلى وتىرعان وركەستردىڭ دە ءبىزدىڭ ەلدىڭ تۇرعىندارىنا قايتالانباس قۋانىش سىيلارىنا سەنىمدىمىن. ونەر تىلىمەن بەرىلەتىن جان ءلاززاتىن ەشقانداي سوزبەن جەتكىزە المايسىڭ. سوندىقتان دا بۇگىنگى كەش ونەرسۇيەر قاۋىمنىڭ ەسىندە ۇزاق ۋاقىت ساقتالارى ءسوزسىز, دەدى ول.
جاۋاپ سوزىندە گ.پولتاۆچەنكو سانكت-پەتەربۋرگ پەن قازاقستاننىڭ ەجەلدەن ارىپتەس ەكەنىن ايتتى. ءبىزدىڭ قالامىز قازاق حالقىنىڭ ۇلى اقىنى جامبىل جاباەۆتى ۇمىتپاي, ارقاشان ەسكە الىپ وتىرادى. لەنينگراد قورشاۋىنىڭ قاتەرلى جىلدارىندا ونىڭ «لەنينگرادتىق ورەنىم, ماقتانىشىم سەن ەدىڭ...» دەگەن جالىندى ولەڭ جولدارى ءبىزدىڭ قالا تۇرعىندارىنىڭ جاندارىنا جالىن, جۇرەكتەرىنە قۋات بەردى. كوپتەگەن ادامدار ومىردەن ءۇمىتىن ۇزبەي, جامبىلدىڭ قۋاتتى جىرلارىنان كۇش الىپ قانا ءتىرى قالدى. قازىر قالامىزدا جامبىلعا ەسكەرتكىش اشىلعان, ونىڭ اتىندا كوشە دە بار. سول جىلدارى ءبىزدىڭ قالامىزدىڭ تۇرعىندارىمەن قاتار, مىڭداعان قازاقستاندىقتار دا ورتاق جاۋعا قارسى ەرلىكپەن شايقاستى. بۇگىنگى سانكتپەتەربۋرگتىكتەر قازاقستاننىڭ ءبىزدىڭ شاھارىمىزعا سىڭىرگەن سول ەڭبەكتەرىن ۇمىتپايدى, دەي كەلىپ, گۋبەرناتور استانا قالاسىنىڭ تۇرعىندارىنا سىيلىق رەتىندە بەلگىلى وركەستردىڭ كونتسەرتىن اكەلگەنىن ايتتى.
حالىق اسپاپتارىنىڭ سۇيەمەلدەۋىمەن ونەر كورسەتەتىن ۇجىم وزدەرىنىڭ كوركەمدىك جەتەكشىسى, رەسەيدىڭ ەڭبەك سىڭىرگەن ونەر قايراتكەرى ۆلاديمير پوپوۆتىڭ باسقارۋىندا سىزدەرگە تاماشا كەش سىيلايتىنىنا سەنىمدىمىن, دەپ ءبىتىردى گۋبەرناتور ءوزىنىڭ ءسوزىن.
وسىدان ءارى كونتسەرتتىك وركەستر ءوز ونەرلەرىن ورتاعا سالىپ, ا.شەيكماننىڭ «كورابەينيكي», ا.اليابوۆ پەن ا.ۆەتاننىڭ «سولوۆەي», س.راحمانينوۆتىڭ «نە پوي, كراساۆيتسا, پري منە», جانە ت.ب. كومپوزيتورلاردىڭ جانە «ۆدول پو پيتەرسكوي», «ان, ناستاسيا!» سەكىلدى ورىستىڭ حالىق اندەرىن ورىندادى. وركەستردىڭ سوليستەرى حالىقارالىق كونكۋرستاردىڭ لاۋرەاتتارى ماريا ليتكە (سوپرانو) مەن ەۆگەني كۋنگۋروۆ (باريتون) ەكەن.
ۇزىن-سانى 34 ۆيرتۋوز-مۋزىكانتتاردان تۇراتىن وركەستر, ءسويتىپ, استانالىقتارعا ۇمىتىلماس كەش سىيلادى.
جاقسىباي سامرات,
«ەگەمەن قازاقستان».
سۋرەتتەردى تۇسىرگەن
ەرلان وماروۆ,
«ەگەمەن قازاقستان».