ەۆاكۋاتور قاققان وسكەمەن تۇرعىنى قايتىس بولدى

ۆەدومستۆونىڭ مالىمەتىنشە, جول-كولىك وقيعاسى 16 قازان كۇنى كەشكى ساعات 18.20 شاماسىندا بولعان.

"سوڭعى اقپارات بويىنشا, "Toyota" ماركالى ەۆاكۋاتوردىڭ 62 جاستاعى جۇرگىزۋشىسى بايتەرەك اينالما جولىندا كەلە جاتىپ, جەڭىس داڭعىلىنا بۇرىلاتىن تۇستا رەتتەلمەگەن جاياۋ جۇرگىنشىلەر جولىنان ءوتىپ بارا جاتقان ادامدى قاعىپ كەتكەن. كولىكتىڭ استىندا قالعان ادام دەنە جاراقاتىنان وقيعا ورنىندا كوز جۇمدى", دەپ حابارلادى شقو پوليتسيا دەپارتامەنتىنىڭ باسشىسى ساعات ماديەۆ.

قازىر وسكەمەن قالاسىنىڭ پوليتسيا قىزمەتكەرلەرى وقيعانىڭ ءمان-جايىن انىقتاپ جاتىر.

"جول اپاتىن كورگەن كۋاگەرلەردىڭ 102, 23-26-13 نومىرلەرىنە حابارلاسۋىن وتىنەمىز", دەيدى قالالىق پوليتسيا.