2019 جىلعى قىركۇيەكتە ۇكىمەتتىڭ قاۋلىسىمەن قازاقستان رەسپۋبليكاسىنىڭ مەرەكەلىك كۇندەرىنىڭ تىزبەسىنە تولىقتىرۋ ەنگىزىلدى, سوعان سايكەس 16 قازان - نان كۇنى بولىپ بەلگىلەندى. بۇل تۋرالى اشم ءباسپاسوز قىزمەتى حابارلادى.
نان – حالىقتىڭ ەڭ ماڭىزدى جانە سۇيىكتى تاعامى. بارلىق حالىقتاردا نان ەرەكشە قۇرمەتكە يە جانە داستارحاننىڭ ءمانى مەن ءسانى. ال, قازاقستان ءۇشىن نان ەكسپورتتىڭ نەگىزگى بولىگى.
نان كۇنى – استىق جانە ۇن ونىمدەرىنىڭ قۇرمەتىن ارتتىرىپ, قازاقستاندىق ديقانداردىڭ, ۇن تارتۋشىلار مەن ناۋبايحانالاردىڭ ەڭبەگىن ەلەۋ ءۇشىن ارنايى بەلگىلەندى.
2006 جىلدان باستاپ 16 قازاندا - دۇنيەجۇزىلىك نان كۇنى اتالىپ وتىلەدى. بۇل كۇنى كوپتەگەن ەلدەردە نان ونىمدەرىنىڭ ءتۇرلى كورمەلەرى, اسپازشىلاردىڭ, ناۋبايحانالاردىڭ جانە كونديتەرلەردىڭ كەزدەسۋلەرى, جارمەڭكەلەر, شەبەرلىك سىنىپتار, حالىقتىق سەرۋەندەر, سونداي-اق بارلىق مۇقتاج ادامدارعا ناننىڭ تەگىن تاراتىلۋى, قايىرىمدىلىق اكتسيالارى جانە تاعى باسقا دا ءىس-شارالار ۇيىمداستىرىلادى. جينالعاندار نان ونىمدەرىنىڭ ءارتۇرلى سۇرىپتارى مەن تۇرلەرىن باعالاپ قانا قويماي, سونىمەن قاتار ناننىڭ قالاي پايدا بولعانىن, ونىڭ تاريحى مەن ءداستۇرىن, نەدەن جاسالعانىن, قاي جەردە وسكەنىن, قالاي پىسىرىلەتىنىن جانە ت. ب. تانىسا الادى.